Wrestler Avatar Warner : త‌మిళ సినిమాకు వార్న‌ర్ ఫిదా

Wrestler Avatar Warner : ఆస్ట్రేలియా స్టార్ క్రికెట‌ర్ డేవిడ్ వార్న‌ర్ గురించి ఎంత చెప్పినా త‌క్కువే. మ‌నోడికి సెన్సాఫ్ ఆఫ్ హ్యూమ‌ర్ కాస్త ఎక్కువే. క్రికెట‌ర్ గా ఎన్నో అవార్డులు అత‌డి పేరు మీద ఉన్నాయి. బ్యాట‌ర్ గా , ఫీల్డ‌ర్ గా, కెప్ట‌న్ గా గుర్తింపు తెచ్చుకున్నాడు. ఇక ఐపీఎల్ లో కూడా వార్న‌ర్ త‌న‌కంటూ ఓ స్పెష‌ల్ ఇమేజ్ ను స్వంతం చేసుకున్నాడు. అయితే త‌న‌కు భార‌తీయ సినిమాలు అంటే పిచ్చి.

ప్ర‌త్యేకించి ద‌క్షిణాది మూవీస్ , హీరోలు అంటే అభిమానం. వారికి సంబంధించిన డైలాగులతో సోషల్ మీడియాలో ఫోటోలు, వీడియోలు షేర్ చేయ‌డం అల‌వాటుగా మారింది. తాజాగా త‌మిళ‌నాడుకు చెందిన ప్ర‌ముఖ ద‌ర్శ‌కుడు శంక‌ర్ తీసిన ఐ మూవీలోని ఓ స‌న్నివేశాన్ని ఇప్పుడు పంచుకున్నాడు. అది వైర‌ల్ గా మారింది. ఈసారి రెజ్ల‌ర్ అవ‌తార్ లో ద‌ర్శ‌నం ఇచ్చాడు డేవిడ్ వార్న‌ర్(Wrestler Avatar Warner). ఉల్లాస‌క‌ర‌మైన వీడియోను పంచుకున్నాడు.

త‌న‌కు ఇష్ట‌మైన సినిమాల‌లో త‌మిళంలో వ‌చ్చిన ఐ చాలా ఇష్ట‌మ‌ని స్ప‌ష్టం చేశాడు. న‌టుడు విక్ర‌మ్ ముఖంపై త‌న ముఖాన్ని మార్ఫింగ్ చేసి వీడియోను ఇన్ స్టా గ్రామ్ లో పోస్ట్ చేశాడు. అంత‌కు ముందు మోచేతి గాయం కార‌ణంగా భార‌త్ లో జరుగుతున్న టెస్టు సీరీస్ కు దూర‌మ‌య్యాడు. ప్ర‌స్తుతం చికిత్స పొందుతున్నాడు. అయితే వ‌చ్చే 2024 వ‌ర‌కు తాను క్రికెట్ ఆడ‌తానంటూ ప్ర‌క‌టించాడు. సెలెక్ట‌ర్ల‌కు స‌వాల్ విసిరాడు.

ప్ర‌స్తుతం వార్న‌ర్ చేసిన వీడియో నెట్టింట్లో హ‌ల్ చ‌ల్ చేస్తోంది. కొంద‌రు నెటిజ‌న్లు వార్న‌ర్ ను సినిమాల్లో నటించాల‌ని కోరుతుండ‌డం విశేషం.

Also Read : ద్ర‌విడ్ ను విమ‌ర్శించ‌ని గ‌వాస్క‌ర్