మహోన్నత మాన‌వుడు మహర్షి వాల్మీకి
ఘ‌నంగా నివాళులు అర్పించిన మోదీ
న్యూఢిల్లీ : మహోన్నత మాన‌వుడు మహర్షి వాల్మీకి అని పేర్కొన్నారు దేశ ప్ర‌ధాన‌మంత్రి న‌రేంద్ర మోదీ. ఆయన మహోన్నత ఆలోచనలు ప్రతి యుగంలోనూ దేశాన్ని పోషిస్తూ, అభివృద్ధి చేస్తూనే ఉంటాయని పేర్కొన్నారు. మహర్షి వాల్మీకి జయంతి సందర్భంగా స్పందించారు. ఢిల్లీ ముఖ్యమంత్రి రేఖా గుప్తా కూడా ప్రజలకు శుభాకాంక్షలు తెలిపారు. రామాయణం ద్వారా శ్రీరాముని కథను పరిరక్షించి, వ్యాప్తి చేయడంలో మహర్షి వాల్మీకి చేసిన కృషిని గుర్తించి ఆయనకు నివాళులర్పించారు. మహర్షి వాల్మీకి జయంతి సందర్భంగా ప్రజలకు శుభాకాంక్షలు తెలిపారు. భారతీయ సంస్కృతి, వారసత్వానికి ఆ పూజ్య మహర్షి చేసిన కృషిని ప్రముఖంగా ప్రస్తావించారు. మానవాళికి ఆయన అందించిన అమూల్యమైన సందేశాలు తరతరాలకు మార్గదర్శకమని అభివర్ణించారు.
మహర్షి వాల్మీకి జయంతి పవిత్రమైన సందర్భంగా అందరికీ హృదయపూర్వక శుభాకాంక్షలు. ఆయన మహోన్నత ఆలోచనలు భారతీయ సంస్కృతి, వారసత్వానికి పునాది అంశాలుగా నిలిచాయని, అవి ప్రతి యుగంలోనూ దేశాన్ని పోషించి, అభివృద్ధి చేస్తూనే ఉంటాయని పేర్కొన్నారు. మానవాళికి ఆయన అందించిన అమూల్యమైన సందేశాలు ఈ దేశ ప్రజలకు ఎల్లప్పుడూ మార్గదర్శకాలుగా నిలుస్తాయని అన్నారు మోదీ. కేంద్ర మంత్రి నితిన్ గడ్కరీ కూడా మహర్షి వాల్మీకి జయంతి సందర్భంగా ఆయనకు నివాళులర్పించి, తోటి దేశవాసులకు శుభాకాంక్షలు తెలిపారు. ‘రామాయణ’ ఇతిహాస సృష్టికర్త అయిన ఆదికవి మహర్షి వాల్మీకి జీ జయంతి సందర్భంగా ఆయనకు హృదయపూర్వక వందనాలు. మహర్షి వాల్మీకి జయంతి సందర్భంగా తోటి దేశవాసులందరికీ హృదయ పూర్వక శుభాకాంక్షలు. ఉత్తర ప్రదేశ్ ముఖ్యమంత్రి యోగి ఆదిత్యనాథ్ కూడా ఆ పూజ్య మహర్షికి నివాళులర్పించారు. రామాయణం ప్రాముఖ్యతను, శ్రీరాముడు మూర్తీభవించిన శాశ్వత ఆదర్శాలను ప్రముఖంగా ప్రస్తావించారు.