Army Commando Rahul : రాహుల్ కు క‌మెండో సెల్యూట్ వైర‌ల్
సోష‌ల్ మీడియాలో ఫోటో , వీడియో హ‌ల్ చ‌ల్
Army Commando Rahul : రాహుల్ గాంధీ ప‌ప్పు కాదు. ఆయ‌న ఇవాళ దేశం యావ‌త్తు ఎంతో ఆస‌క్తిగా ఎదురు చూస్తున్న అరుదైన నాయ‌కుడు. గ‌త కొంత కాలంగా భార‌తీయ జ‌న‌తా పార్టీ రాహుల్ గాంధీని వ్య‌క్తిగ‌తంగా దూషిస్తూ వ‌స్తోంది. సోష‌ల్ మీడియాలో ఆయ‌న‌పై దుష్ప్ర‌చారం జ‌రుగుతోంది. ఇదే విష‌యాన్ని రాహుల్ గాంధీ ప్ర‌త్యేకంగా ప్ర‌స్తావించారు.
త‌న ఇమేజ్ ను డ్యామేజ్ చేసేందుకు కోట్లాది రూపాయ‌లు ఖ‌ర్చు చేస్తున్నారంటూ ఆరోపించారు. తాజాగా ఆయ‌న దేశం కోసం చేప‌ట్టిన భార‌త్ జోడో యాత్ర సెన్సేష‌న్ గా మారింది. క‌న్యాకుమారి నుంచి కాశ్మీర్ దాకా పాద‌యాత్ర కొన‌సాగింది. జ‌న‌వ‌రి 30 సోమ‌వారం నాటితో ముగుస్తుంది.
ఇదిలా ఉండ‌గా ప్ర‌స్తుతం క‌ల్లోల కాశ్మీర్ లో భార‌త్ జోడో యాత్ర‌కు భారీ ఎత్తున ఆద‌ర‌ణ ల‌భిస్తోంది. అన్ని వ‌ర్గాల‌కు చెందిన ప్ర‌జ‌లు స్వ‌చ్ఛంధంగా పాలు పంచుకుంటున్నారు. ఈ త‌రుణంలో ఆస‌క్తిక‌ర‌మైన స‌న్నివేశం చోటు చేసుకుంది. అదేమిటంటే భార‌త ఆర్మీకి చెందిన క‌మాండో ఒక‌రు రాహుల్ గాంధీకి సెల్యూట్(Army Commando Rahul) చేశారు.
గౌర‌వ సూచ‌కంగా రాహుల్ గాంధీ కూడా ప్ర‌తి సెల్యూట్ చేశారు. ఇందుకు సంబంధించిన ఫోటోలు, వీడియో నెట్టింట్లో వైర‌ల్ గా మారింది. ఇది ఆర్మీ యూనిఫాం, ప‌త‌కాలు ధ‌రించిన క‌మాండో సెల్యూట్ చేస్తూ కౌగిలించు కోవ‌డం వివాదాస్ప‌దంగా మారింది. రెజిమెంట్ కు చెందిన లాన్వార్డ్ న‌మ‌స్క‌రించ‌డం ఇప్పుడు వివాదాస్ప‌దంగా మారింది.
Also Read : మేరా భార‌త్ మ‌హాన్ – రాహుల్ గాంధీ