IND vs AUS 1st ODI : వ‌న్డే పోరుకు భారత్ ఆసిస్ రెడీ
రోహిత్ ..అయ్య‌ర్ దూరం..పాండ్యా కెప్టెన్
1st ODI IND vs AUS : భార‌త , ఆస్ట్రేలియా జ‌ట్ల మధ్య మూడు వ‌న్డేల సీరీస్ శుక్ర‌వారం నుంచి ప్రారంభం కానుంది. ఈనెల 17న ముంబై వాంఖ‌డే స్టేడియం వేదిక‌గా తొలి వ‌న్డే(1st ODI IND vs AUS ) ఇరు జ‌ట్ల మధ్య జ‌ర‌గ‌నుంది. ఇప్ప‌టి వ‌ర‌కు నాలుగు టెస్టుల సీరీస్ లో 2-1 తేడాతో భారత్ సీరీస్ కైవ‌సం చేసుకుంది. మ‌రో వైపు ఇదే ఏడాదిలో భార‌త క్రికెట్ కంట్రోల్ బోర్డు ఐసీసీ వ‌ర‌ల్డ్ వ‌న్డే క‌ప్ కు ఆతిథ్యం ఇవ్వ‌నుంది. దీంతో ఆసిస్ తో జ‌రిగే సీరీస్ కీల‌కం కానుంది.
మ‌రో వైపు టెస్టు సీరీస్ కోల్పోయిన ఆస్ట్రేలియా వ‌న్డే సీరీస్ గెలుపొంది ప‌రువు నిలుపుకునే దిశ‌గా ప్లాన్ చేస్తోంది. ఇక రోహిత్ శ‌ర్మ త‌న ఇంట్లో ఫంక్ష‌న్ ఉండ‌డంతో ఈ వ‌న్డేకు దూరం కానున్నాడు. అత‌డి స్థానంలో కెప్టెన్ గా హార్దిక్ పాండ్యా నాయ‌క‌త్వ బాధ్య‌త‌లు నిర్వ‌హించ‌నున్నాడు.
ఇక శ్రేయ‌స్ అయ్య‌ర్ తీవ్రంగా గాయ‌ప‌డ్డాడు. కానీ అత‌డి స్థానంలో స్టార్ క్రికెట‌ర్ సంజూ శాంస‌న్ ను ఎంపిక చేయ‌లేదు బీసీసీఐ. ఇదిలా ఉండ‌గా ఇప్ప‌టి వ‌ర‌కు స్వ‌దేశంలో శ్రీ‌లంక, న్యూజిలాండ్ జ‌ట్ల‌తో జ‌రిగిన వేర్వేరు సీరీస్ ల‌లో ఆరు మ్యాచ్ లు గెలుపొందింది భార‌త జ‌ట్టు.
ఇక జ‌ట్టు ప‌రంగా చూస్తే హార్దిక్ పాండ్యా కెప్టెన్ , శుభ్ మ‌న్ గిల్ , విరాట్ కోహ్లీ, శ్రేయాస్ అయ్య‌ర్ , సూర్య కుమార్ యాద‌వ్ , కేఎల్ రాహుల్ , ఇషాన్ కిష‌న్ , ర‌వీంద్ర జ‌డేజా , కుల్దీప్ యాద‌వ్ , వాషింగ్ట‌న్ సుంద‌ర్ , యుజ్వేంద్ర చాహ‌ల్ , ష‌మీ , మ‌హ్మ‌ద్ సిరాజ్ , ఉమ్రాన్ మాలిక్ , శార్దూల్ ఠాకూర్ , అక్ష‌ర్ ప‌టేల్ , జ‌య‌దేవ్ ఉనాద్క‌త్ ఉన్నారు.
Also Read : ఢిల్లీ క్యాపిట‌ల్స్ కెప్టెన్ గా డేవిడ్ వార్న‌ర్