DK Shiva Kumar Siddaramaiah : ‘సిద్దూ..డీకే’ అభివాదం
మీ రుణం తీర్చుకోలేం
DK Shiva Kumar Siddaramaiah : సీఎం సిద్ద‌రామ‌య్య(Siddaramaiah), డిప్యూటీ సీఎం డీకే శివ‌కుమార్(DK Shiva Kumar) శ‌నివారం సెంట‌ర్ ఆఫ్ అట్రాక్ష‌న్ గా నిలిచారు. ఈ ఇద్ద‌రు త‌ల‌పండిన రాజ‌కీయ నాయ‌కులు. కంఠీరవ స్టేడియంలో జ‌రిగిన ప్ర‌మాణ స్వీకారోత్స‌వ కార్య‌క్ర‌మం అంగ‌రంగ వైభ‌వంగా జ‌రిగింది. ఈసంద‌ర్భంగా సిద్ద‌రామ‌య్య, డీకే శివ‌కుమార్ ప్ర‌జ‌ల‌కు అభివాదం చేశారు. త‌మ‌ను న‌మ్మి అద్బుత విజ‌యాన్ని క‌ట్ట‌బెట్టార‌ని , జీవితాంతం క‌ర్ణాట‌క వాసుల‌కు రుణ‌ప‌డి ఉంటామ‌ని ప్ర‌క‌టించారు.
మెరుగైన పాల‌న అందిస్తామ‌ని చెప్పారు. ఈ సంద‌ర్బంగా ఎనిమిది మంది ఎమ్మెల్యేలు మంత్రులుగా ప్ర‌మాణ స్వీకారం చేశారు. తాము ఎన్నిక‌ల సంద‌ర్బంగా ఇచ్చిన ప్ర‌తి హామీని త‌ప్ప‌కుండా అమ‌లు చేస్తామ‌ని చెప్పారు డీకే శివ‌కుమార్. పెన్ష‌న్ సౌక‌ర్యం, ఉచిత బ‌స్సు లో జ‌ర్నీ వీట‌న్నింటిని త‌ప్ప‌క అమ‌లు చేసి తీరుతామ‌ని స్ప‌ష్టం చేశారు. ఏఐసీసీ చీఫ్ మ‌ల్లికార్జున్ ఖ‌ర్గే ప్ర‌సంగిస్తూ ఇది పూర్తిగా క‌ర్ణాట‌క ప్ర‌జ‌లు సాధించిన విజ‌య‌మ‌న్నారు.
దేశంలోని వివిధ పార్టీల‌కు చెందిన దిగ్గ‌జ నాయ‌కులు పాల్గొన్నారు. సీఎంలు, మాజీ సీఎంలు, ప్ర‌ముఖ న‌టులు పాల్గొన్నారు. కొత్త ప్ర‌భుత్వం బాగుండాల‌ని కోరారు. వీరిలో త‌మిళ‌నాడుకు చెందిన ప్ర‌ముఖ న‌టుడు క‌మ‌ల్ హాస‌న్ ప్ర‌ధాన ఆక‌ర్ష‌ణ‌గా నిలిచారు.
. సీఎంలు ఎంకే స్టాలిన్ , భూపేష్ బ‌ఘేల్, అశోక్ గెహ్లాట్ తో పాటు మాజీ సీఎం ఫ‌రూఖ్ అబ్దుల్లా , సీపీఎం నేత‌ల‌తో పాటు ఏఐసీసీ చీఫ్ మ‌ల్లికార్జున్ ఖ‌ర్గే, రాహుల్ గాంధీ, ప్రియాంక గాంధీ హాజ‌ర‌య్యారు
Also Read : DK Shiva Kumar