Devara Movie : దేవ‌రకు పీట‌ర్ హెయిన్ కొరియోగ్ర‌ఫీ

Devara Movie : జూనియ‌ర్ ఎన్టీఆర్ , జాన్వీ కపూర్ క‌లిసి న‌టిస్తున్న దేవ‌ర మూవీపై భారీ అంచ‌నాలు నెల‌కొన్నాయి. ఇప్ప‌టికే తార‌క్ న‌టించిన ఆర్ఆర్ఆర్ చిత్రం ప్ర‌పంచ వ్యాప్తంగా పేరు పొందింది. చెర్రీతో క‌లిసి చేసిన నాటు నాటు పాట‌కు ఆస్కార్ అవార్డు ద‌క్కింది. ప్ర‌స్తుతం జూనియ‌ర్ ఎన్టీఆర్ దేవ‌ర చిత్రంలో(Devara Movie) బిజీగా ఉన్నారు. ఇక చిత్రానికి సంబంధించి కొత్త షెడ్యూల్ జూలై 3న ప్రారంభం కానుంది. ఈ విష‌యాన్ని మూవీ మేక‌ర్స్ స్వ‌యంగా ప్ర‌క‌టించారు.

ప‌వ‌ర్ ఫుల్ డైలాగులే కాదు ఉర‌క‌లు వేసే ఉత్సాహానికి ప్ర‌తీక తార‌క్. ఇక ఎన్టీఆర్ తో హై యాక్ష‌న్ స‌న్నివేశాల‌ను చిత్రీక‌రించేందుకు ద‌ర్శ‌కుడు ప్లాన్ చేశారు. ఇందుకు సంబంధించి వ‌ర‌ల్డ్ లోనే టాప్ కొరియోగ్రాఫ‌ర్ గా పేరు పొందిన పీట‌ర్ హెయిన్స్ ను వాడుకోనుంది యూనిట్.

ఇదిలా ఉండ‌గా మెగా స్టార్ చిరంజీవితో తీసిన ఆచార్య బిగ్ డిజాస్ట‌ర్ త‌ర్వాత ప్ర‌ముఖ ద‌ర్శ‌కుడు కొర‌టాల శివ ద‌ర్శ‌క‌త్వం వ‌హిస్తున్న త‌దుప‌రి చిత్రం దేవ‌ర‌. దీనిపై అటు తార‌క్ ఇటు శివ గంపెడు ఆశ‌లు పెట్టుకున్నారు. పాన్ ఇండియా సినిమాగా తెర‌కెక్కించే ప‌నిలో ఉన్నార‌ని టాక్. మిక్కిలినేని సుధాక‌ర్ , కొస‌రాజు హ‌రికృష్ణ‌లు ఎన్టీఆర్ ఆర్ట్స్ , యువ సుధ ఆర్ట్స్ బ్యాన‌ర్ ల‌పై నిర్మించారు. ఇందులో తార‌క్ డబుల్ రోల్ పోషిస్తుండ‌గా సైఫ్ అలీ ఖాన్ , ప్ర‌కాశ్ రాజ్ న‌టిస్తున్నారు. అనిరుధ్ ర‌విచంద్ర‌న్ సంగీతం స‌మ‌కూరుస్తున్నారు. ఆర్. ర‌త్న‌వేలు సినిమాటోగ్ర‌ఫీ అందిస్తున్నారు.

Also Read : Ishitha Shukla Hats Off You : హ్యాట్సాఫ్ ఇషితా శుక్లా