Pawan Kalyan : ల‌క్ష కోట్లు దోచుకున్న జ‌గ‌న్ – పవన్
సంచ‌ల‌న ఆరోప‌ణ‌లు చేసిన జ‌న‌సేనాని
Pawan Kalyan : జ‌న‌సేన పార్టీ చీఫ్ పవన్ క‌ళ్యాణ్ సంచ‌ల‌న ఆరోప‌ణ‌లు చేశారు. ఏపీ సీఎం వైఎస్ జ‌గ‌న్ మోహ‌న్ రెడ్డిపై నిప్పులు చెరిగారు. ఏపీలో కొలువు తీరిన ఈ నాలుగేళ్ల కాలంలో ఏకంగా ల‌క్ష కోట్లు దోచుకున్నాడ‌ని ఆరోపించారు. ప్ర‌జా ధ‌నాన్ని లూటీ చేస్తున్నాడు కాబ‌ట్టే జ‌గ్గూ భాయ్ అని పేరు పెట్టాన‌ని అన్నారు. రాబోయే ఎన్నిక‌ల్లో గెలుపొందేందుకు గాను ఇప్ప‌టికే రూ. 30 వేల కోట్లు దాచి ఉంచాడంటూ మండిప‌డ్డారు పవన్ క‌ళ్యాణ్.
రెండో విడ‌త వారాహి విజ‌య యాత్ర సంద‌ర్భంగా త‌ణుకులో ప్ర‌జ‌ల‌ను ఉద్దేశించి పవన్ క‌ళ్యాణ్(Pawan Kalyan) ప్ర‌సంగించారు. ఏపీ స‌ర్కార్ ను ఏకి పారేశారు. హిందూ ధ‌ర్మాన్ని కించ ప‌రిచే హ‌క్కు వైసీపీకి లేద‌న్నారు. అర్చ‌కుల వేలం రాజ్యాంగ విరుద్ద‌మ‌న్నారు. కొత్త‌గా జ‌గ‌న్ పెట్టిన ప‌థ‌కాలు ఏవీ లేవ‌న్నారు. పాత ప‌థ‌కాల‌కు పేర్లు మార్చి త‌న పేరు పెట్టుకున్నాడ‌ని ధ్వ‌జ‌మెత్తారు.
రైతుల‌ను ఘోరంగా అవ‌మానించిన జ‌గ‌న్ ను , మంత్రుల‌ను త‌రిమేసే రోజు ద‌గ్గ‌ర లోనే ఉంద‌న్నారు. ప్ర‌జ‌ల‌పై ప‌న్నుల భారం మోపుతూ రాచ‌రిక పాల‌న సాగిస్తున్నాడంటూ మండిప‌డ్డారు పవన్ క‌ళ్యాణ్. వైసీపీ పాల‌న‌లో 219 హిందూ దేవాల‌యాల‌పై దాడులు జ‌రిగాయ‌ని ఆవేద‌న వ్య‌క్తం చేశారు.
Also Read : Kodanda Ramalayam : కోదండుని స‌న్నిధిలో ప‌విత్ర స‌మ‌ర్ప‌ణ