Baby Movie : బేబీ మూవీ క‌లెక్ష‌న్ల సునామీ
మూడు రోజుల్లో రూ. 23.5 కోట్లు
Baby Movie : సాయి రాజేష్ నీలం ద‌ర్శ‌క‌త్వం ఇచ్చిన బేబీ తాజా మూవీ క‌లెక్ష‌న్ల సునామీ సృష్టిస్తోంది. క‌థ, స్క్రీన్ ప్లే అన్నీ మ‌నోడే. సినీ వ‌ర్గాల‌ను సైతం విస్తు పోయేలా చేసింది బేబీ చిత్రం. విడుద‌లైన నాటి నుంచి నేటి దాకా క‌లెక్ష‌న్ల సునామీ సృష్టిస్తోంది. మూడు రోజుల్లోరూ. 23.5 కోట్లు కొల్ల‌గొట్టింది. బేబి చిత్రాన్నిశ్రీ‌నివాస్ కుమార్ నాయుడు నిర్మించారు.
ఇందులో ప్ర‌ముఖ న‌టుడు విజ‌య్ దేవ‌ర‌కొండ త‌మ్ముడు ఆనంద్ దేవ‌ర‌కొండ న‌టించారు. అత‌డితో పాటు షార్ట్ ఫిలింల‌లో న‌టించిన వైష్ణ‌వి చైత‌న్య న‌టించారు. వీరితో పాటు విరాజ్ అశ్విన్ ప్ర‌త్యేక పాత్ర‌లో న‌టించారు. ఎం.ఎన్. బాల్ రెడ్డి సినిమాటోగ్ర‌ఫీ అందించ‌గా విజ‌య్ బుల్గొనిన్ సంగీతం అందించారు. మాస్ మూవీ మేక‌ర్స్ బేబి చిత్రాన్ని(Baby Movie) స‌ర‌ఫ‌రా చేసింది. 14న బేబి సినిమాను విడుద‌ల చేశారు మూవీ మేక‌ర్స్.
ఇంత‌కు ముందు సాయి రాజేష్ 2014లో హృద‌య కాలేయం తీశాడు సంపూర్ణేశ్ బాబుతో. ఇదే న‌టుడితో 2019లో కొబ్బ‌రిమ‌ట్ట తీశాడు. 2020లో చాందిని చౌద‌రితో క‌ల‌ర్ ఫోటో తీశాడు. ప్రస్తుతం అంద‌రి అంచ‌నాలు దాటుకుని విస్తు పోయేలా కాసులు కొల్ల‌గొడుతోంది. కంటెంట్ బాగుంటే చిత్రాన్ని ఆద‌రిస్తార‌ని ఈ సినిమాతో తేలి పోయింది.
Also Read : APSRTC Electric Buses : ఏపీఎస్ఆర్టీసీకి 100 ఎల‌క్ట్రిక్ బ‌స్సులు