Bajrangi Bhaijaan : ఆద‌ర‌ణ త‌గ్గ‌ని భ‌జ్రంగీ భాయిజాన్

Bajrangi Bhaijaan : క‌బీర్ ఖాన్ ద‌ర్శ‌క‌త్వంలో స‌ల్మాన్ ఖాన్ న‌టించిన బ్లాక్ బస్ట‌ర్ మూవీ భ‌జ్రంగీ భాయిజాన్ విడుద‌లై నేటితో ఎనిమిదేళ్లు పూర్త‌య్యాయి. ఇన్నేళ్ల‌యినా ఇంకా ఆ సినిమాకు మాత్రం క్రేజ్ త‌గ్గ‌డం లేదు. చిత్రం బ‌డ్జెట్ రూ. 90 కోట్లు. ఇండియా నెట్ రూ. 320 కోట్లు సాధిస్తే భార‌త దేశం వ్యాప్తంగా రూ. 422 కోట్లు కొల్ల‌గొట్టింది. ఇక ఓవ‌ర్సీస్ గ్రాస్ రూ. 505 కోట్లు రాబ‌ట్టి ఔరా అనిపించేలా చేసింది భ‌జ్రంగీ భాయిజాన్(Bajrangi Bhaijaan). ఆల్ టైట్ బ్లాక్ బ‌స్ట‌ర్ గా నిలిచింది ఈ చిత్రం. స‌ల్మాన్ ఖాన్ త‌న కెరీర్ లో మ‌రిచి పోలేని సినిమా ఈ చిత్రం.

Bajrangi Bhaijaan Release

భ‌జ్రంగీ భాయిజాన్ 17న జూలై 2015లో విడుద‌లైంది. స‌ల్మాన్ ఖాన్ ఫిలిమ్స్ , రాక్ లైన్ ఎంట‌ర్ టైన్మెంట్స్ , క‌బీర్ ఖాన్ ఫిలిమ్స్ బ్యాన‌ర్ ల‌పై స‌ల్మాన్ ఖాన్ , రాక్ లైన్ వెంక‌టేశ్ నిర్మించారు ఈ చిత్రాన్ని. క‌బీర్ ఖాన్ అద్భుత‌మైన ప్ర‌తిభ‌తో ఈ చిత్రాన్ని తీశాడు. ఇందులో స‌ల్మాన్ ఖాన్ తో పాటు క‌రీనా క‌పూర్ , న‌వాజుద్దీన్ సిద్దికి , హ‌ర్షాలీ మ‌ల్హోత్రా ప్ర‌ధాన పాత్ర‌ల్లో న‌టించారు. క‌థ‌ను వి. విజ‌యేంద్ర ప్ర‌సాద్ అందించారు.

సినిమా వ‌చ్చి కొన్నేళ్ల‌యినా ఇంకా జ‌నం సినిమాను ఆద‌రిస్తుండ‌డం విశేషం . స‌ల్మాన్ ఖాన్ కు ఉన్న క్రేజ్ ఇంకా త‌గ్గ‌లేదు అన‌డానికి ఈ చిత్రం స‌క్సెస్ ఓ కార‌ణం.

Also Read : Kerala CM Tribute : అరుదైన నేత ఊమెన్ చాందీ – సీఎం