BK Hari Prasad CM : సిద్ద‌రామ‌య్య‌పై సీనియ‌ర్ నేత గుస్సా

BK Hari Prasad CM : క‌ర్ణాట‌క కాంగ్రెస్ లో క‌ల‌వ‌రం మొద‌లైంది. ఆ పార్టీకి చెందిన సీనియ‌ర్ నేత బీకే హ‌రిప్ర‌సాద్ సంచ‌ల‌న వ్యాఖ్య‌లు చేశారు. మంత్రి, సీఎం ప‌ద‌వుల‌పై ఆయ‌న తీవ్ర అసంతృప్తిని వ్య‌క్తం చేశారు. ఎంతో అనుభ‌వం క‌లిగిన త‌న‌ను కేబినెట్ లోకి తీసుకోక పోవ‌డం దారుణ‌మని పేర్కొన్నారు. ఆయ‌న నేరుగా సీఎం సిద్ద‌రామ‌య్య‌పై బాంబు పేల్చారు.

BK Hari Prasad CM Said

త‌న జీవిత కాలంలో ఐదుగురు సీఎంల‌ను ఏర్పాటు చేసిన ఘ‌న‌త త‌న‌కు ఉంద‌న్నారు బీకే హ‌రి ప్ర‌సాద్(BK Hari Prasad). ప్ర‌స్తుతం ఆయ‌న చేసిన కామెంట్స్ తీవ్ర చ‌ర్చ‌కు దారి తీశాయి. క‌ర్ణాట‌క‌లో గ‌త 49 ఏళ్లుగా రాజ‌కీయాల‌లో ఉన్నాన‌ని, ఎన్నో ప‌రిణామాలు చూశాన‌ని , ప్ర‌త్య‌క్షంగా తాను ఎన్నో స‌వాళ్ల‌ను ఎదుర్కొన్నాన‌ని స్ప‌ష్టం చేశారు బీకే హ‌రి ప్ర‌సాద్.

క‌ర్ణాట‌క కేబినెట్ లో చోటు ద‌క్క‌క పోవ‌డంపై శాస‌న మండ‌లి స‌భ్యుడిగా ఉన్న ఆయ‌న ఈడిగ‌, బిల్ల‌వ‌, నామ్ ధారి , దేవ‌ర సంఘాల ఆధ్వ‌ర్యంలో నిర్వ‌హించిన స‌మావేశంలో ఈ కామెంట్స్ చేశారు. ఆయ‌న నేరుగా సిద్ద‌రామ‌య్య‌ను టార్గెట్ చేశారు.

ఇదిలా ఉండ‌గా త‌న‌పై నేరుగా కీల‌క వ్యాఖ్య‌లు చేసిన బీకే హ‌రి ప్ర‌సాద్ పై సీఎం ఎలాంటి వ్యాఖ్య‌లు చేయ‌లేదు. అయితే ఎలా స్పందించాల‌నే దానిపై మిగ‌తా మంత్రులు మల్ల‌గుల్లాలు ప‌డుతున్నారు.

Also Read : CJI Manipur Parade Comment : ఈ దారుణాల‌కు ముగింపేది..?