Jailer Kaavaalaa Song : త‌లైవా కావాలా సాంగ్ రికార్డ్ బ్రేక్ 81 మిలియన్ వ్యూస్

Jailer Kaavaalaa Song : కోలీవుడ్ లో త‌న‌కు ఎదురే లేద‌ని మ‌రోసారి చాటి చెప్పారు త‌లైవా సూప‌ర్ స్టార్ ర‌జ‌నీకాంత్. నెల్స‌న్ దిలీప్ కుమార్ ద‌ర్శ‌క‌త్వంలో ర‌జ‌నీకాంత్ , త‌మ‌న్నా భాటియా జైల‌ర్ దుమ్ము రేపుతోంది. ఇంకా విడుద‌ల కాకుండానే చిత్రానికి సంబంధించిన పోస్ట‌ర్స్, ట్రైల‌ర్ , సాంగ్స్ రికార్డుల మోత మోగిస్తున్నాయి.

Jailer Kaavaalaa Song Millions of Views

తాజాగా రిలీజ్ చేసిన కావాలా సాంగ్(Jailer Kaavaalaa Song) యూట్యూబ్ లో నెంబ‌ర్ వ‌న్ గా నిలిచింది. అంత‌కు ముందు రికార్డు బ్రేక్ చేసిన త‌ల‌ప‌తి జోసెఫ్ విజ‌య్ న‌టించిన లోకేష్ క‌న‌క‌రాజ్ ద‌ర్శ‌క‌త్వం వ‌హించిన లియో చిత్రంలోని నా రెడీ పాట‌ను దాటేసింది జైల‌ర్ కావాలా సాంగ్. ఇందులో త‌మ‌న్నా భాటియా అందాల ఆర‌బోత‌, డ్యాన్స్ తో పాటు సూప‌ర్ స్టార్ మేన‌రిజం పాట‌కు, చిత్రానికి ఆద‌ర‌ణ పొందేలా చేసింది. పిక్చ‌రైజేష‌న్ సూప‌ర్బ్ గా ఉండ‌డంతో పెద్ద ఎత్తున ట్రెండింగ్ లో నిలిచింది.

ఈ ఏడాది 2023లో నెంబ‌ర్ వ‌న్ గా నిలుస్తూ రికార్డుల మోత మోగిస్తోంది ర‌జ‌నీకాంత్ కావాలా పాట‌. ఇక త‌లైవా ఫ్యాన్స్ తెగ సంబురాలు చేసుకుంటున్నారు. ఇక నెల్స‌న్ తీసిన జైల‌ర్ చిత్రంలో సూప‌ర్ స్టార్స్ న‌టిస్తుండ‌డం విశేషం. ర‌జ‌నీతో పాటు మ‌ల‌యాళ దిగ్గ‌జ న‌టుడు మోహ‌న్ లాలు, బాలీవుడ్ స్టార్ హీరో జాకీ ఫ్రాఫ్ ఇత‌ర పాత్ర‌ల్లో క‌నిపించ బోతున్నారు.

Also Read : Bandi Sanjay : జాతీయ ప్ర‌ధాన కార్య‌ద‌ర్శిగా బండి