Former MLA Join BJP : బీజేపీలో చేరిన మాజీ ఎమ్మెల్యే

Former MLA Join BJP : త్వ‌ర‌లో తెలంగాణ‌లో ఎన్నిక‌ల న‌గారా మోగ‌నుంది. ఈ త‌రుణంలో ఆయా పార్టీలలో చేరుతున్న వారి సంఖ్య కొన‌సాగుతోంది. ఒక పార్టీ నుంచి ఇంకో పార్టీలోకి జంప్ అవుతున్నారు. ఎప్పుడు ఎవ‌రు ఎక్క‌డ ఉంటారో తెలియ‌ని ప‌రిస్థితి నెల‌కొంది. కాంగ్రెస్, బీజేపీలో చేరిక‌ల ప‌ర్వం కొన‌సాగుతోంది.

Former MLA Join BJP With Team

సోమ‌వారం ఉమ్మ‌డి ఆదిలాబాద్ జిల్లాకు చెందిన మాజీ ఎమ్మెల్యే శ్రీ‌దేవి, ఆమె భ‌ర్త బెల్లంప‌ల్లి మాజీ మున్సిప‌ల్ చైర్మ‌న్ రాజేశ్వ‌ర్ రావు కేంద్ర మంత్రి గంగాపురం కిష‌న్ రెడ్డి(G Kishan Reddy), జాతీయ ఉపాద్య‌క్షురాలు డీకే అరుణ‌, రాష్ట్ర బీజేపీ ప్ర‌చార క‌మిటీ చైర్మ‌న్ , మాజీ మంత్రి, హుజూరాబాద్ ఎమ్మెల్యే ఈట‌ల రాజేంద‌ర్ , సీనియ‌ర్ నాయ‌కుడు డాక్ట‌ర్ బూర న‌ర్స‌య్య గౌడ్ స‌మ‌క్షంలో బీజేపీలో చేరారు. ఈ సంద‌ర్బంగా వారికి బీజేపీ కండువా క‌ప్పారు.

మాజీ ఎమ్మెల్యే, మాజీ మున్సిప‌ల్ చైర్మ‌న్ తో పాటు ఆదిలాబాద్ జిల్లాలోని చెన్నూరు నియోజ‌క‌వ‌ర్గానికి చెందిన పేరు పొందిన నాయ‌కుడు సంజీవ‌రావు కూడా భార‌తీయ జ‌న‌తా పార్టీ తీర్థం పుచ్చుకున్నారు. ఈ ముగ్గురు నేత‌ల చేరిక‌తో పార్టీకి అద‌న‌పు బ‌లాన్ని చేకూరుతుంద‌ని అన్నారు బీజేపీ చీఫ్ గంగాపురం కిష‌న్ రెడ్డి. రాబోయే రోజుల్లో మ‌రికొంద‌రు సీనియ‌ర్ నాయ‌కులు పెద్ద ఎత్తున త‌మ పార్టీలో చేరనున్నార‌ని ఈ సంద‌ర్భంగా పేర్కొన్నారు కిష‌న్ రెడ్డి.

Also Read : MP Sanjay Singh : కేంద్రం తీరుపై సంజ‌య్ సింగ్ ఫైర్