Bhumana Karunakar Reddy : టీటీడీ చైర్మ‌న్ సేవ‌లు భేష్

Bhumana Karunakar Reddy : తిరుమ‌ల తిరుప‌తి దేవ‌స్థానం చైర్మ‌న్ గా ప‌ని చేసిన వైవీ సుబ్బారెడ్డి అందించిన సేవ‌లు అద్భుత‌మ‌ని, ప్ర‌శంస‌నీయ‌మ‌ని కొనియాడారు తిరుప‌తి ఎమ్మెల్య‌, టీటీడీ ధ‌ర్మ‌క‌ర్త‌ల మండ‌లి స‌భ్యుడు భూమ‌న క‌రుణాక‌ర్ రెడ్డి.

Bhumana Karunakar Reddy Words About TTD Chairman

ప్ర‌పంచంలోనే అత్య‌ధిక భ‌క్తుల‌ను, ఆదాయాన్ని క‌లిగి ఉన్న తిరుమ‌ల పుణ్య క్షేత్రానికి టీటీడీ చైర్మ‌న్ గా వైవీ సుబ్బారెడ్డి నాలుగు సంవ‌త్స‌రాలు ప‌ని చేశార‌ని తెలిపారు. ఈ స‌మ‌యంలో ఎన్నో కీల‌క‌మైన నిర్ణ‌యాలు తీసుకున్నార‌ని ప్ర‌త్యేకించి సామాన్య భ‌క్తుల‌కు మెరుగైన సౌక‌ర్యాలు, వ‌స‌తి సేవ‌లు అందించేందుకు ఎంత గానో కృషి చేశార‌ని ప్ర‌శంస‌ల‌తో ముంచెత్తారు భూమ‌న క‌రుణాక‌ర్ రెడ్డి.

తిరుమ‌ల అన్న‌మ‌య్య భ‌వ‌నంలో ధ‌ర్మ‌క‌ర్త‌ల మండ‌లి స‌మావేశం జ‌రిగింది. ఈ సంద‌ర్భంగా భూమ‌న తీర్మానం ప్ర‌వేశ పెట్టారు. అనంత‌రం భూమ‌న క‌రుణాక‌ర్ రెడ్డి(Bhumana Karunakar Reddy) మాట్లాడారు. వైవీ సుబ్బారెడ్డి త‌న ప‌ద‌వీ కాలంలో సామాన్య భ‌క్తుల గురించి ఎంత‌గానో ఆలోచించార‌ని తెలిపారు. ఇదే స‌మ‌యంలో దేవ‌స్థానం అభివృద్దికి ఎంత‌గానో పాటు ప‌డ్డార‌ని కొనియాడారు భూమన క‌రుణాక‌ర్ రెడ్డి.

వివాద ర‌హితుడు, సౌమ్యుడు అయిన వైవీ సుబ్బారెడ్డి నుంచి తాము చాలా నేర్చుకున్నామ‌ని చెప్పారు. అనంత‌రం టీటీడీ చైర్మ‌న్ ను భూమ‌న శాలువాతో స‌త్క‌రించారు.

Also Read : Nara Lokesh : చిత్తూరు ఎస్పీ వైసీపీ కార్య‌క‌ర్త