Nara Lokesh : ద‌ళితుల‌పై జ‌గ‌న్ క‌ప‌ట ప్రేమ
నిప్పులు చెరిగిన నారా లోకేష్
Nara Lokesh : టీడీపీ జాతీయ ప్ర‌ధాన కార్య‌ద‌ర్శి నారా లోకేష్ నిప్పులు చెరిగారు. ఆయ‌న మ‌రోసారి ఏపీ సీఎం జ‌గ‌న్ మోహ‌న్ రెడ్డిని టార్గెట్ చేశారు. యువ గ‌ళం పాద‌యాత్ర‌లో భాగంగా గుంటూరు జిల్లాలో ప‌ర్య‌టించారు. ఈ సంద‌ర్భంగా కీల‌క వ్యాఖ్య‌లు చేయ‌డం క‌ల‌క‌లం రేపింది. ఎస్సీలు, ఎస్టీలు, బీసీల‌ను కేవ‌లం జ‌గ‌న్ రెడ్డి ఓటు బ్యాంకుగా మాత్ర‌మే చూస్తున్నాడ‌ని ఆరోపించారు. వారి కోసం ఆయ‌న ఇప్ప‌టి వ‌ర‌కు చేసింది ఏమీ లేద‌ని ధ్వ‌జ‌మెత్తారు. ఆయా వ‌ర్గాలంటే ఆయ‌న‌కు చిన్న చూపు అని ఆవేద‌న వ్య‌క్తం చేశారు. సంక్షేమ ప‌థ‌కాల పేరుతో జ‌నం చెవుల్లో పూలు పెడుతున్నాడంటూ ఎద్దేవా చేశారు నారా లోకేష్.
Nara Lokesh Slams CM YS Jagan
తాడికొండ‌లో త‌మ ప్ర‌భుత్వ హ‌యాంలో నిర్మించిన డాక్ట‌ర్ బీఆర్ అంబేద్క‌ర్ గురుకుల పాఠ‌శాల అలాగే ఉంద‌న్నారు. కానీ దానిని ఇంత వ‌ర‌కు ప‌ట్టించుకున్న పాపాన పోలేద‌న్నారు. క‌నీస వ‌స‌తులు లేకుండా పోయాయ‌ని పేర్కొన్నారు. ద‌ళిత విద్యార్థుల‌కు నాణ్య‌మైన విద్య అందించ‌డం కోసం తాడికొండ‌తో పాటు గూంటురు జిల్లాలో మ‌రో నాలుగు చోట్ల సాంఘిక సంక్షేమ శాఖ ఆధ్వ‌ర్యంలో గురుకులాల‌ను నిర్మించ‌డం జ‌రిగింద‌న్నారు.
ఈ నాలుగు సంవ‌త్స‌రాల జ‌గ‌న్ పాల‌న‌లో ఒక్క గురుకుల‌మైనా ద‌ళిత బిడ్డ‌ల‌కు నిర్మించారా అని నారా లోకేష్(Nara Lokesh) ప్ర‌శ్నించారు. అంబేద్క‌ర్ విదేశీ విద్య‌తో 27 ఎస్సీ సంక్షేమ ప‌థ‌కాల‌ను ర‌ద్దు చేసిన ద‌ళిత ద్రోహి జ‌గ‌న్ రెడ్డి అని సంచ‌ల‌న ఆరోప‌ణ‌లు చేశారు.
Also Read : Minister KTR : బీజేపీ..కాంగ్రెస్ పార్టీలు అవ‌స‌ర‌మా