Nara Lokesh : ఇంకెంత మంది తాళిబొట్లు తెంచుతావు

Nara Lokesh : ఆంధ్ర‌ప్ర‌దేశ్ ముఖ్య‌మంత్రి జ‌గ‌న్ మోహ‌న్ రెడ్డిపై తీవ్ర స్థాయిలో ఆగ్ర‌హం వ్య‌క్తం చేశారు టీడీపీ ప్ర‌ధాన కార్య‌ద‌ర్శి నారా లోకేష్. యువ గ‌ళం పాద‌యాత్ర‌లో భాగంగా ఆయ‌న ఉమ్మ‌డి కృష్ణా జిల్లాలో ప‌ర్య‌టిస్తున్నారు. ఈ సంద‌ర్బంగా జ‌గ‌న్ పై మాట‌ల తూటాలు పేల్చారు.

మాట త‌ప్పుడు మడ‌మ తిప్పుడుకు బ్రాండ్ అంబాసిడ‌ర్ జ‌గ‌న్ అంటూ ఎద్దేవా చేశారు. గ‌న్న‌వ‌రం నియోక‌వ‌ర్గంలో మ‌ద్యం ఏరులై పారుతోంద‌ని ఆరోపించారు. జ‌గ‌న్ స‌ర్కార్ ఏర్పాటు చేసిన లిక్క‌ర్ వాకిన్ బోర్డు అంటూ ఆయ‌న చూపించారు.

Nara Lokesh Slams AP CM

దీనిని ట్విట్ట‌ర్ వేదిక‌గా పోస్ట్ చేశారు. ఎన్నిక‌ల స‌మ‌యంలో మ‌ద్య నిషేధం అమ‌లు చేస్తాన‌ని జ‌గ‌న్ రెడ్డి చెప్పాడ‌ని కానీ మాట త‌ప్పాడంటూ నారా లోకేష్(Nara Lokesh) మండిప‌డ్డారు. అధికారంలోకి వ‌చ్చాక ఆ ప‌ని చేయ‌లేద‌ని కానీ ర‌క ర‌కాల పేర్లో వీధికొక మ‌ద్యం షాపును ఏర్పాటు చేశారంటూ ఆరోపించారు .

ఇదేనా నీ ప్ర‌భుత్వ ల‌క్ష్యం. ఇదే నా సంక్షేమం. ఓ వైపు అప్పుల కుప్ప‌గా మార్చేసి మ‌రో వైపు రాష్ట్ర ప్ర‌జ‌ల‌ను తాగుబోతుల‌ను త‌యారు చేయాల‌న్న‌దా నీ ఆశ‌యం అంటూ సీరియ‌స్ అయ్యారు నారా లోకేష్.

ఇంకెంత మంది త‌ల్లుల తాళిబొట్ల‌ను తెంచాలని అనుకుంటున్నావో చెప్పు జ‌గ‌న్ అంటూ నిల‌దీశారు. ఇది మంచి ప‌ద్ద‌తి కాద‌న్నారు. వెంట‌నే మ‌ద్య నిషేధం అమ‌లు చేయాల‌ని ఆయ‌న డిమాండ్ చేశారు.

Also Read : A Chandrasekhar Joined : హ‌స్తం గూటికి మాజీ మంత్రి