Bhatti Vikramarka Mallu : తుమ్మ‌ల కాంగ్రెస్ లోకి రావాలి – భ‌ట్టి

Bhatti Vikramarka Mallu : హైద‌రాబాద్ – సీఎల్పీ నేత మ‌ల్లు భ‌ట్టి విక్ర‌మార్క మాజీ మంత్రి తుమ్మ‌ల నాగేశ్వ‌ర్ రావు ఇంటికి వెళ్లారు. త‌న‌ను క‌లిసేందుకు వ‌చ్చిన భ‌ట్టిని మాజీ మంత్రి సాద‌రంగా ఆహ్వానించారు. ఈ సంద‌ర్భంగా కాంగ్రెస్ పార్టీలోకి రావాల‌ని కోరారు.

Bhatti Vikramarka Mallu Meet Tummala

త‌న నివాసానికి వ‌చ్చిన మ‌ల్లు భ‌ట్టి విక్ర‌మార్క‌ను ఆలింగ‌నం చేసుకున్నారు తుమ్మ‌ల నాగేశ్వ‌ర్ రావు. ఆయ‌న‌కు శాలువా క‌ప్పేందుకు ప్ర‌య‌త్నించ‌గా భ‌ట్టి వ‌ద్ద‌ని అన‌డంతో ఒప్పుకోలేదు. బ‌ల‌వంతం చేయ‌డంతో ఎట్ట‌కేల‌కు ఒప్పుకున్నాడు సీఎల్పీ నేత‌.

త్వ‌ర‌లో తెలంగాణ‌లో శాస‌న‌స‌భ ఎన్నిక‌లు జ‌ర‌గ‌నున్నాయి. ఖ‌మ్మం జిల్లాలో మాజీ మంత్రి తుమ్మ‌ల నాగ‌గేశ్వ‌ర్ రావు, సీఎల్పీ నేత మ‌ల్లు భ‌ట్టి విక్ర‌మార్క(Bhatti Vikramarka Mallu) ఇద్ద‌రూ కీల‌క‌మైన నాయ‌కులుగా ఉన్నారు. తాజాగా బీఆర్ఎస్ లో ఉన్న మాజీ మంత్రి తుమ్మ‌ల‌కు టికెట్ కేటాయించ లేదు బీఆర్ఎస్ చీఫ్ , సీఎం కేసీఆర్.

119 సీట్ల‌కు గాను 115 సీట్ల‌కు అభ్య‌ర్థుల‌ను ప్ర‌క‌టించారు. చివ‌రి దాకా త‌న‌కు సీటు వ‌స్తుంద‌ని భావించిన తుమ్మ‌ల‌కు షాక్ ఇచ్చారు. ఇక తుమ్మ‌ల నాగేశ్వ‌ర్ రావుకు ఖ‌మ్మం జిల్లాలో మంచి ప‌ట్టుంది. ఆయ‌న‌ను త‌మ పార్టీలోకి రావాలంటూ స్వ‌యంగా టీపీసీసీ చీఫ్ ఎనుముల రేవంత్ రెడ్డి , మ‌ల్లుర‌వి క‌లిశారు. ఆ త‌ర్వాత మాజీ ఎంపీ పొంగులేటి శ్రీ‌నివాస్ రెడ్డి కూడా తుమ్మ‌ల నాగేశ్వ‌ర్ రావును క‌లుసు కోవ‌డం విశేషం.

Also Read : Seediri Appalaraju : చంద్ర‌బాబును ప్రాసిక్యూట్ చేయాలి