Chandrababu Naidu : తిరువూరు ‘ రా కదలిరా ‘ సభలో బాబు వాగ్దానాలు

Chandrababu Naidu : తెలుగుదేశం పార్టీ(TDP) అధినేత నారా చంద్రబాబు నాయుడు బెయిల్‌పై విడుదలైన తర్వాత ఎన్నో రాజకీయ కార్యక్రమాలు చేస్తున్నారు. నాయకుల నుంచి కార్యకర్తల వరకు అందరూ ఉత్సాహంగా ముందుకు సాగుతున్నారు. ఇందులో భాగంగా ‘రా కదలిరా’ పేరుతో ఎన్టీఆర్ తిరువూరు జిల్లాలో బహిరంగ సభ నిర్వహించారు. ఈ సభకు పలువురు పార్టీ నేతలు, జిల్లా సమన్వయకర్తలు హాజరయ్యారు. ఆ బహిరంగ సభలో చంద్రబాబు అన్ని రంగాల్లో నష్టపోయిన ఏపీని కాపాడేందుకు అందరూ ఏకం కావాలని పిలుపునిచ్చారు.

Chandrababu Naidu Comment

ప్రపంచంలో తెలుగు వారు ఉత్తమ స్థాయిలో నిలవడమే తన వ్యక్తిగత లక్ష్యమని చెప్పారు. ప్రపంచ రాజకీయాల్లో తెలుగు వారు రాణిస్తారని అన్నారు. తెలుగు ప్రజలు ప్రపంచ నాయకులుగా ఎదిగేందుకు తెలుగుదేశం పార్టీ ఎంతగానో దోహదపడుతుందన్నారు. రైతుల బతుకులు మారాలంటే టీడీపీ-జనసేన ప్రభుత్వం రావాలన్నారు. మూడు నెలల్లో వ్యవసాయ సామ్రాజ్యం ఆవిర్భవిస్తుందని ఆశాభావం వ్యక్తం చేశారు. ఏపీలో మేము అధికారంలోకి వస్తే ఏపీ రాజధాని అమరావతే ఉంటుందన్నారు. ఒక రోజు అమరావతే మా రాజధాని అని చెప్పుకునే రోజు వస్తుందని జోస్యం చెప్పారు బాబు. మీ భవిష్యత్తుకు నేను హామీ ఇస్తున్నాను’’ అని యువతకు మాటిచ్చారు .

రాష్ట్ర యువతను ప్రపంచంలోనే అత్యుత్తమంగా తీర్చిదిద్దుతామన్నారు. ‘బాబు ష్యూరిటీ..వారెంటీ ఫర్ ఫ్యూచర్’ పేరుతో సూపర్ సిక్స్ కార్యక్రమాన్ని అందించనున్నట్టు తెలిపారు. అధికారంలోకి వచ్చిన తర్వాత ఐదేళ్లలో 20 లక్షలమంది యువతకు ఉద్యోగాలు కల్పిస్తామని హామీ ఇచ్చారు. నిరుద్యోగులకు రూ 3వేలు చెల్లిస్తామన్నారు. ‘అన్నదాత’ పథకాన్ని ప్రవేశపెట్టి రైతులకు ఏటా రూ.20 వేలు చెల్లిస్తామన్నారు. ‘జయహో బీసీ’ ఆధారంగా ప్రత్యేక చట్టాన్ని తీసుకురావాలని యోచిస్తున్నట్లు చెప్పారు. అలాగే ఎస్సీ, ఎస్టీ, మైనార్టీలకు న్యాయం చేస్తామని హామీ ఇచ్చారు. టీడీపీ-జనసేన ఆధ్వర్యంలో త్వరలో ఎన్నికల మేనిఫెస్టో విడుదల చేస్తామని చెప్పారు బాబు.

Also Read : C-130J Night Landing in Kargil: కార్గిల్‌ ఎయిర్‌స్ట్రిప్‌ పై C-130J విమానం నైట్ ల్యాండింగ్ !