Ukraine Russia War : పెరిగిన వ‌ల‌స‌లు త‌ప్ప‌ని తిప్ప‌లు

Ukraine Russia War : ఉక్రెయిన్ పై ముంద‌స్తు స‌మాచారం లేకుండానే దాడుల‌కు తెగ బ‌డ‌డంతో ఆ దేశం ఇప్పుడు హాహాకారాలు, ఆర్త‌నాదాల‌తో ద‌ద్ద‌రిల్లుతోంది.

ఇప్ప‌టి దాకా 1000 మంది దాకా ప్రాణాలు కోల్పోయి ఉంటార‌ని అంచ‌నా. ఉక్రెయిన్(Ukraine Russia War) ను చేజిక్కించు కునేంత దాకా యుద్దం ఆపే ప్ర‌స‌క్తి లేద‌ని అంటోంది ర‌ష్యా. ప్ర‌ధాన న‌గరాల‌న్నీ ర‌ష్యా ఆర్మీ చేతుల్లోకి వెళ్లి పోయాయి.

కానీ రాజ‌ధాని మాత్రం ఇంకా ఉక్రెయిన్ ఆర్మీ చేతుల్లోనే ఉంది. ఓ వైపు చ‌ర్చ‌ల‌కు సిద్దంటూనే ఇంకో వైపు వార్ కొన‌సాగిస్తోంది. అమెరికా, యురోపియ‌న్ దేశాలు, బ్రిట‌న్, ఫ్రాన్స్ వార్నింగ్ ఇచ్చినా ప‌ట్టించు కోలేదు.

తాను చ‌ని పోయినా యుద్దం మాత్రం ఆప‌బోనంటూ ఇప్ప‌టికే ప్ర‌క‌టించాడు ఉక్రెయిన్ చీఫ్. ర‌ష్యా కంటిన్యూగా దాడులకు పాల్ప‌డుతుండ‌డంతో వేలాది మంది నిరాశ్ర‌యులుగా మారారు.

ఇప్ప‌టి వ‌ర‌కు ఐక్య రాజ్య స‌మితి అంచ‌నా ప్ర‌కారం ఆదివారం రోజు 3 ల‌క్ష‌ల 68 వేల మందికి పైగా ప్ర‌జ‌లు వ‌ల‌స బాట ప‌ట్టారు. పేరెంట్స్ , చిన్నారులు, వృద్దులు న‌డుస్తూ పోతున్న దృశ్యాలు కంట‌త‌డి పెట్టిస్తున్నాయి.

వీరంతా పోలండ్, హంగ‌రీ, రొమేనియా, త‌దిత‌ర దేశాల‌కు త‌ర‌లి పోతున్నాయి. ఎంత దుఖఃం, ఎంత విషాదం..కనీసం మాన‌వ‌త్వం మ‌రిచి పోయిన ర‌ష్యా అధ్య‌క్షుడు పుతిన్(Ukraine Russia War) ప‌ట్టంచు కోవ‌డం లేదు.

ఇదిలా ఉండ‌గా ల‌క్ష‌ల్లో వ‌ల‌స‌లు పెరుగుతున్నాయి. పోలండ్ స‌రిహ‌ద్దుల్లో 14 కిలోమీట‌ర్ల పొడ‌వైన కార్ల క్యూ కూడా ఉంద‌ని ఐక్య రాజ్య స‌మితి అధికార ప్ర‌తినిధి క్రిస్ మీజ‌ర్ వెల్ల‌డించారు.

Also Read : వీసాదారుల‌కు అమెరికా గుడ్ న్యూస్