Krishna Vrinda Vihari : ‘కృష్ణ వ్రిందా విహారి’ టీజ‌ర్ సూప‌ర్

Krishna Vrinda Vihari : టాలీవుడ్ లో హీరో నాగ శౌర్య వెరీ డిఫ‌రెంట్. హిట్స్ ప్లాప్స్ అన్న‌వి ప‌ట్టించుకోడు. ఒక మూవీ త‌ర్వాత మ‌రోటి చేసుకుంటూ వెళుతున్నాడు. వ‌రుడు కావ‌లెను మూవీ బిగ్ హిట్ . ఆ త‌ర్వాత ల‌క్ష్య చిత్రంతో ముందుకు వ‌చ్చాడు.

ఇప్పుడు మ‌రో సినిమాతో ముందుకు వ‌స్తున్నాడు. అనీష్ కృష్ణ ద‌ర్శ‌క‌త్వంలో నాగ శౌర్య న‌టిస్తున్న చిత్రం కృష్ణ వ్రింద విహారి(Krishna Vrinda Vihari). ఇప్ప‌టికే చిత్రానికి సంబంధించి షూటింగ్ పూర్తి చేసుకుంది. పోస్ట్ ప్రొడ‌క్ష‌న్ ప‌నులు కూడా చివ‌రిద‌శ‌లో ఉన్నాయి.

ఏప్రీల్ 22న ఈ సినిమాను విడుద‌ల చేస్తున్న‌ట్లు ప్ర‌క‌టించారు. దీంతో చిత్ర యూనిట్ సినిమా ప్ర‌మోష‌న్స్ ముమ్మ‌రం చేశారు. ఇదిలా ఉండ‌గా ఇప్ప‌టి వ‌ర‌కు సినిమాకు సంబంధించి రిలీజ్ చేసిన పోస్ట‌ర్లు వెరైటీగా ఉన్నాయి.

దీంతో సినిమాపై అంచ‌నాలు మ‌రింత పెంచేలా చేశాయి. కృష్ణ వ్రిందా విహారి టీజ‌ర్ (Krishna Vrinda Vihari)ను ఇవాళ విడుద‌ల చేశారు మూవీ మేక‌ర్స్. నాగ శౌర్య‌, షిర్లీఈ సేథియా జంట‌గా రాధిక కీల‌క పాత్ర‌ల్లో న‌టించారు.

శంక‌ర్ ప్ర‌సాద్ మ‌ల్చూరి స‌మ‌ర్ప‌ణ‌లో ఐరా క్రియేష‌న్స్ ప‌తాకంపై ఉషా ముల్పూరి నిర్మించారు. ఇది పూర్తిగా రొమాంటిక్ , కామెడీ, వినోదం మేళ‌వించేలా ద‌ర్శ‌కుడు సినిమా తీశాడు.

చిత్రంలో నాగ శౌర్య బ్రాహ్మ‌ణ యువ‌కుడిగా న‌టిస్తుండ‌డం విశేషం. ఒక‌ప్ప‌టి న‌టి రాధిక ప్ర‌ధాన పాత్ర‌లో న‌టిస్తుండ‌డం ఈ సినిమాకు అద‌న‌పు ఆక‌ర్ష‌ణ‌. ఇక నాగ‌శౌర్య‌తో పాటు వెన్నెల కిషోర్, రాహుల్ రామ‌కృష్ణ‌, స‌త్య‌, బ్ర‌హ్మాజీ కూడా ఇందులో న‌టించారు.

Also Read : చెంప ఛెల్లుమ‌నిపించిన స్మిత్