Kavya Maran : నిరాశ‌కు లోనైన కావ్య మార‌న్

Kavya Maran : ఐపీఎల్ 16వ సీజ‌న్ లో ఊహించ‌ని రీతిలో ముంబై ఇండియ‌న్స్ స‌న్ రైజ‌ర్స్ హైద‌రాబాద్ ను ఓడించింది. చివ‌రి దాకా పోరాడింది ఎస్ఆర్ హెచ్. కానీ 14 ప‌రుగుల తేడాతో ఓట‌మి మూట‌గ‌ట్టుకుంది. ఒకానొక ద‌శ‌లో త‌క్కువ స్కోర్ చేస్తుంద‌ని అంతా భావించారు. కానీ లోక‌ల్ కుర్రాడు తిల‌క్ వ‌ర్మ స‌త్తా చాటాడు. కేవ‌లం 17 బంతులు మాత్ర‌మే ఎదుర్కొని 4 సిక్స‌ర్లు, రెండు ఫోర్ల‌తో 37 కీల‌క‌మైన ప‌రుగులు తీశాడు.

దీంతో ముంబై స్కోర్ ప‌రుగులు తీసింది. రోహిత్ శ‌ర్మ 28 ర‌న్స్ చేస్తే ఇషాన్ కిష‌న్ మ‌రోసారి రాణించాడు. ఎప్ప‌టి లాగే సూర్య కుమార్ యాద‌వ్ నిరాశ ప‌రిచాడు. కేవ‌లం 7 ప‌రుగులు మాత్ర‌మే చేశాడు. ఇక ముంబై ఓపెన‌ర్ కెమ‌రాన్ గ్రీన్ దుమ్ము రేపాడు. 64 ర‌న్స్ చేశాడు. సిక్స‌ర్లు , ఫోర్ల‌తో విరుచుకు ప‌డ్డాడు.

నిర్ణీత 20 ఓవ‌ర్ల‌లో 5 వికెట్లు కోల్పోయి 192 ర‌న్స్ చేసింది ముంబై ఇండియ‌న్స్ . అనంత‌రం బ‌రిలోకి దిగిన స‌న్ రైజ‌ర్స్ హైద‌రాబాద్ గ‌ట్టి పోటీని ఇచ్చింది. కానీ 178 ప‌రుగుల‌కే ఆలౌటైంది. ఇక స‌న్ రైజ‌ర్స్ జ‌ట్టుకు సిఇఓగా ఉన్న కావ్య మార‌న్(Kavya Maran) ప్ర‌తి మ్యాచ్ ను ప్ర‌త్య‌క్షంగా తిల‌కిస్తోంది.

కానీ ఆ జ‌ట్టు విజ‌యం అంచుల దాకా వ‌చ్చి చ‌తికిల ప‌డ‌డంతో తీవ్ర నిరాశ‌కు గురైంది. ఏ మ్యాచ్ జ‌రిగినా ప్రేక్ష‌కులు, ఫ్యాన్స్ మొత్తం కావ్య మార‌న్ వైపే చూస్తున్నారు. ప్ర‌స్తుతం ఆమె నేష‌న‌ల్ క్ర‌ష్ గా మారారు. నెట్టింట్లో వైర‌ల్ అవుతున్నారు.

Also Read : రాజ‌స్థాన్ ల‌క్నో బిగ్ ఫైట్