IND vs WI 3rd ODI : జోరు మీదున్న టీమిండియా
ప‌రువు కోసం విండీస్ పాకులాట
IND vs WI 3rd ODI : విజ‌య‌మో వీర స్వ‌ర్గ‌మో అనే రీతిలో పోరాడేందుకు సిద్ద‌మైంది ఆతిథ్య వెస్టిండీస్ జట్టు. త‌మ దేశంలో ప‌ర్య‌టిస్తున్న టీమిండియా చేతిలో రెండు మ్యాచ్ ల‌లో వ‌రుస‌గా ఓట‌మి పాలైంది.
కానీ విండీస్ ఆశించిన దాని కంటే అద్భుతంగా రాణిస్తోంది. ఇటీవ‌ల ఆ జట్టు అటు బ్యాటింగ్ లోనూ ఇటు బౌలింగ్ లోనూ స‌త్తా చాటుతోంది. కానీ
ల‌క్ దాని వైపు ఉండ‌డం లేదు.
మూడు వ‌న్డే మ్యాచ్ ల సీరీస్ లో భాగంగా జ‌రిగిన తొలి వ‌న్డే మ్యాచ్ లో గెలుపు అంచుల దాకా వ‌చ్చింది. కేవ‌లం 3 ప‌రుగుల తేడాతో ఓట‌మి పాలైంది. రెండో మ్యాచ్ లో సైతం చివ‌రి బంతి దాకా పోరాడింది.
కానీ ప‌రాజ‌యం పాలైంది. దీంతో క‌నీసం చివ‌రి మూడో వ‌న్డే(IND vs WI 3rd ODI) లోనైనా గెలిచి ప‌రువు ద‌క్కించు కోవాల‌ని అనుకుంటోంది
విండీస్ టీం. ఇక ఎలాంటి స్టార్, సీనియ‌ర్ ఆట‌గాళ్లు లేకుండానే టీమిండియా దుమ్ము రేపుతోంది.
ఒక ర‌కంగా చెప్పాలంటే ఏ జ‌ట్టుకు లేనంత‌టి ఆట‌గాళ్లు ఒక్క భార‌త జ‌ట్టుకు మాత్ర‌మే ఉన్నారు. వెట‌ర‌న్ ఓపెన‌ర్ శిఖ‌ర్ ధావ‌న్ సార‌థ్యంలో యువ క్రికెట‌ర్లు రెచ్చి పోతున్నారు.
త‌మ‌కు ఎదురే లేద‌ని చాటుతున్నారు. ఇక మూడో వ‌న్డే ను సైతం ద‌క్కించుకుని క్లీన్ స్వీప్ చేయాల‌ని భావిస్తోంది టీమిండియా. ఇరు జ‌ట్లు
హోరా హోరీగా త‌ల‌ప‌డ‌క త‌ప్ప‌దు.
జ‌ట్ల ప‌రంగా చూస్తే శిఖ‌ర్ ధావ‌న్ కెప్టెన్. శుభ్ మ‌న్ గిల్ , అయ్య‌ర్, సూర్య కుమార్ , సంజూ శాంస‌న్ , దీప‌క్ హూడా, అక్ష‌ర్ ప‌టేల్ , శార్దూల్ ,
సిరాజ్ , చ‌హ‌ల్ , అవేశ్ ఖాన్ లేదా ప్ర‌సిద్ద్ కృష్ణ ఆడ‌తారు.
ఇక విండీస్ ప‌రంగా చూస్తే నికోల‌స్ పూర‌న్ కెప్టెన్, హోప్ , మేయ‌ర్స్ , బ్రూక్స్ , కార్టీ , కింగ్ , పావెల్, హోసీన్ , షెఫ‌ర్డ్ , కిమో పాల్ , జోసెఫ్,
సీఈల్స్ , హేడ‌న్ ఉన్నారు.
Also Read : ఇండియా..ఆస్ట్రేలియా ఫైన‌ల్ కు ఖాయం