Rahul Gandhi Brihan Math : బృహ‌న్ మ‌ఠం సేవ‌లు అద్భుతం
శ్రీ శివ‌మూర్తి మురుగ శ‌ర‌ణు దీవెన‌లు
Rahul Gandhi Brihan Math : క‌న్న‌డ నాట బృహ‌న్ మ‌ఠం చేస్తున్న సేవ‌లు అత్యంత ప్ర‌శంస‌నీయ‌మ‌ని, స్పూర్తి దాయ‌క‌మ‌ని కొనియాడారు కాంగ్రెస్ పార్టీ మాజీ చీఫ్, వాయ‌నాడు ఎంపీ రాహుల్ గాంధీ.
బుధ‌వారం కాంగ్రెస్ పార్టీ సీనియ‌ర్ నాయ‌కుడు, మాజీ సీఎం సిద్ద‌రామ‌య్య 75వ పుట్టిన‌రోజు. ఈ సంద‌ర్భంగా ఆయ‌న‌కు ప్ర‌త్యేకంగా పుట్టిన‌రోజు శుభాకాంక్ష‌లు తెలిపారు రాహుల్ గాంధీ.
ఈ సంద‌ర్భంగా క‌ర్ణాట‌క కాంగ్రెస్ పార్టీ ఆధ్వ‌ర్యంలో పెద్ద ఎత్తున కార్య‌క్ర‌మాలు చేప‌ట్టారు. అనంత‌రం రాహుల్ గాంధీ క‌ర్ణాట‌క‌లో అత్యంత పేరు పొందిన శ్రీ జ‌గద్గురు మురుగ రాజేంద్ర బృహ‌న్ మ‌ఠాన్న(Rahul Gandhi Brihan Math) సంద‌ర్శించారు.
మ‌ఠాన్ని సంద‌ర్శించిన రాహుల్ గాంధీని మ‌ఠాధిప‌తి శ్రీ శివ‌మూర్తి ముర‌గ శ‌ర‌ణు దీవెన‌లు అందించారు. మ‌ఠంలో కొలువు తీరిన స్వాముల‌ను, భ‌క్తుల‌ను ఉద్దేశించి రాహుల్ గాంధీ ప్ర‌సంగించారు.
క‌న్న‌డ నాట భ‌క్తికి ఎక్కువ ప్రాధాన్య‌త ఉంద‌న్నారు. ప్ర‌తి ఒక్క‌రి మ‌నోభావాల‌ను గౌర‌వించ‌డం త‌మ పార్టీ ముఖ్య ఉద్దేశ‌మ‌న్నారు. ఇదే స‌మ‌యంలో అన్ని వ‌ర్గాల వారికి స్వేచ్ఛ, స్వాతంత్రం ఉండాల‌ని తాము కోరుతున్నామ‌న్నారు రాహుల్ గాంధీ.
నిరంత‌రం సామాజిక, ఆధ్యాత్మిక, విద్యా రంగాల‌లో ఇతోధికంగా బృహ‌న్ మ‌ఠం సేవ‌లు అంద‌జేస్తోంద‌ని ప్ర‌శంస‌లు కురిపించారు. ఇలాంటి మ‌ఠాలు ఉండ‌డం వ‌ల్ల ప్ర‌జ‌ల్లో సోద‌ర, ప్రేమ, శాంతి భావ‌న‌లు కొన‌సాగుతున్నాయ‌ని ప్ర‌శంసించారు
రాహుల్ గాంధీ. ఇదిలా ఉండ‌గా క‌ర్ణాట‌క‌లో లింగాయ‌త్ లు అత్య‌ధిక ఓటు బ్యాంకు క‌లిగి ఉన్నారు. వారు ఎటు వైపు మొగ్గు చూపితే వారే ప‌వ‌ర్ లో ఉంటారు.
Also Read : విభేదాలు వీడండి ప‌వ‌ర్ లోకి రండి – రాహుల్