Rahul Gandhi Seer : రాహుల్ పీఎం కావ‌డం ఖాయం – మ‌ఠాధిప‌తి

Rahul Gandhi Seer : క‌న్న‌డ నాట అత్యంత ప్రాముఖ్య‌త క‌లిగిన మ‌ఠంగా పేరొందిన బృహ‌న్ మ‌ఠం అధిప‌తి శ్రీ శివ‌మూర్తి ముర‌గ శ‌ర‌ణ సంచ‌ల‌న వ్యాఖ్య‌లు చేశారు. బృహ‌న్ మ‌ఠాన్ని బుధ‌వారం కాంగ్రెస్ పార్టీ మాజీ చీఫ్‌, వాయ‌నాడు ఎంపీ రాహుల్ గాంధీ(Rahul Gandhi)  సంద‌ర్శించారు.

రాహుల్ గాంధీని మ‌ఠాధిప‌తి ఆశీర్వ‌దించారు. రాహుల్ తో పాటు క‌ర్ణాట‌క మాజీ సీఎం సిద్ద‌రామ‌య్య‌, క‌ర్ణాట‌క పీసీసీ చీఫ్ డీకే శివ‌కుమార్ తో పాటు కాంగ్రెస్ సీనియ‌ర్ నాయ‌కులు ఏకే ఆంటోనీ, త‌దిత‌రులు హాజ‌ర‌య్యారు.

మ‌ఠాధిప‌తి ఆశీస్సులు తీసుకున్నారు. ఈ సంద‌ర్భంగా రాహుల్ గాంధీకి విభూది రాశారు స్వామి వారు. అనంతరం సందేశం ఇచ్చారు శ్రీ శివ‌మూర్తి ముర‌గ శ‌ర‌ణ స్వామి.

రాబోయే రోజుల్లో భారత దేశానికి రాహుల్ గాంధీ త‌ప్ప‌క ప్ర‌ధాన మంత్రి అవుతార‌ని జోష్యం చెప్పారు. ప్ర‌స్తుతం మఠాధిప‌తి చేసిన వ్యాఖ్య‌లు క‌ల‌క‌లం రేపుతున్నాయి.

ఎందుకంటే కర్ణాట‌క‌లో అత్య‌ధికంగా లింగాయ‌త్ లు ఉంటారు. వారి ఓటు బ్యాంకు అత్యంత కీల‌కం. ఎవ‌రైనా స‌రే లింగాయ‌త్ లను కాద‌ని రాష్ట్రంలో అధికారంలోకి రాలేరు.

వాళ్లు త‌లుచుకున్న వాళ్లే ప‌వ‌ర్ లో ఉంటారు. కాద‌నుకున్న రోజున ఎంత‌టి నాయ‌కుడైనా దిగి పోవాల్సిందే. తాజాగా క‌ర్ణాట‌క మాజీ సీఎం సిద్ద‌రామ‌య్యది ఇవాళ పుట్టిన రోజు.

ఈ సంద‌ర్భంగా రాహుల్ గాంధీ క‌ర్ణాట‌క‌లో ప‌ర్య‌టిస్తున్నారు. ఆయ‌న‌కు పుట్టిన‌రోజు శుభాకాంక్ష‌లు తెలిపారు. ఇదే స‌మ‌యంలో క‌ర్ణాట‌క‌లో విద్యా, ఆరోగ్య‌, సామాజిక‌, ఆధ్యాత్మిక కార్య‌క్ర‌మాల‌ను విస్తృతంగా చేప‌డుతోంది బృహ‌న్ మ‌ఠం.

Also Read : బృహ‌న్ మ‌ఠం సేవ‌లు అద్భుతం