Nitish Kumar : అమిత్ షాకు అంత సీన్ లేదు – నితీశ్

Nitish Kumar :  జేడీయూ చీఫ్‌, బీహార్ సీఎం నితీశ్ కుమార్ షాకింగ్ కామెంట్స్ చేశారు. ఆయ‌న మ‌రోసారి కేంద్ర హొం శాఖ మంత్రి అమిత్ షా(Amit Shah) పై నిప్పులు చెరిగారు. ఆయ‌న‌కు త‌న‌ను అనేంత సీన్ లేద‌న్నారు. ఎవ‌రు ఏమిటో ప్ర‌జ‌ల‌కు తెలుస‌న్నారు. తాను కింది స్థాయి నుంచి పైకి వ‌చ్చిన వాడిన‌ని పేర్కొన్నారు.

ఇంకొక‌రితో చెప్పించు కోవాల్సిన స్థితిలో లేన‌న్నారు. రాజ‌కీయం ఎలా చేయాలో ఎలా న‌డ‌పాలో త‌న‌కు బాగా తెలుస‌న్నారు. త‌న ప‌రిమితుల‌కు లోబ‌డి తాను మాట్లాడితే బాగుంటుంద‌ని అమిత్ షాకు స‌ల‌హా ఇచ్చారు సీఎం. తాను ఎవ‌రు ఏం మాట్లాడుతున్నార‌ని ప‌ట్టించు కునేంత టైం త‌న‌కు లేద‌న్నారు.

త‌న‌కు రాష్ట్రం, ప్ర‌జ‌లు, అభివృద్ధి మాత్ర‌మే ఎజెండాగా ఉంటుంద‌న్నారు నితీశ్ కుమార్. ప‌ద‌వుల కోసం, ప‌వ‌ర్ కోసం రాజ‌కీయాలు చేసే వారికి తాను అర్థం కాన‌ని స్ప‌ష్టం చేశారు. కేవ‌లం 20 ఏళ్ల కింద‌ట రాజ‌కీయ జీవితం ఆరంభించిన వాళ్లు విసిరే స‌వాళ్లు, ప్ర‌శ్న‌ల‌కు తాను స‌మాధానం చెప్ప‌లేన‌ని చెప్పారు సీఎం.

బుధ‌వారం నితీశ్ కుమార్(Nitish Kumar) మీడియాతో మాట్లాడారు. జ‌ర్న‌లిస్టులు లేవ‌దీసిన ప‌లు ప్ర‌శ్న‌ల‌కు సమాధానం చెప్పారు. సితాబ్ దియారాలో సోష‌లిస్టు నాయ‌కుడి శిష్యులు ఇప్పుడు అధికారం కోసం కాంగ్రెస్ ఒడిలో కూర్చున్నారంటూ అమిత్ షా నితీశ్ కుమార్ ను ఉద్దేశించిన చేసిన వ్యాఖ్య‌ల‌పై పై విధంగా స్పందించారు.

మీరు ఎవ‌రి పేరు పెట్టుకుంటున్నారో ఆయ‌న‌కు జేపీ అంటే ఏమిటో ప్ర‌త్య‌క్షంగా తెలియ‌దా. తాము 1974 నాటి స్పూర్తిని పొందామ‌న్నారు.

Also Read : ఎన్నిక‌ల ప్ర‌చారంలో శ‌శి థ‌రూర్ బిజీ