Sachin Pilot Bainsla : భైంస్లా కామెంట్స్ స‌చిన్ పైల‌ట్ సీరియ‌స్

Sachin Pilot Bainsla : గుర్జ‌ర్ నాయ‌కుడు విజ‌య్ సింగ్ భైంస్లా చేసిన కామెంట్స్ క‌ల‌క‌లం రేపుతున్నాయి. రాహుల్ గాంధీ చేప‌ట్టిన యాత్ర‌ను అడ్డుకుంటామ‌ని అన‌డం మంచి ప‌ద్ద‌తి కాద‌న్నారు రాజ‌స్థాన్ సీఎంపై క‌న్నేసిన స‌చిన్ పైల‌ట్(Sachin Pilot). ఇదిలా ఉండ‌గా రాహుల్ గాంధీ చేప‌ట్టిన భార‌త్ జోడో యాత్ర‌ను రానివ్వ‌మ‌ని పేర్కొన్నారు.

ఈ వ్యాఖ్య‌లు అత్యంత ప్రాధాన్య‌త సంత‌రించుకున్నాయి. మ‌రో వైపు స‌చిన్ పైల‌ట్ ను ముఖ్య‌మంత్రిగా చేయాల‌ని లేక పోతే రాహుల్ గాంధీని అడ్డుకుంటామ‌ని హెచ్చ‌రించారు. దీనిపై తీవ్రంగా స్పందించారు. ఇది త‌న‌ను డ్యామేజ్ చేసేందుకు బీజేపీ ఆడుతున్న నాట‌కం అంటూ మండిప‌డ్డారు.

ఈ విమ‌ర్శ‌లు వెల్లువెత్తిన త‌రుణంలో స‌చిన్ పైల్ రాహుల్ గాంధీతో క‌లిసి భార‌త్ జోడో యాత్ర‌లో పాల్గొన‌డం విశేషం. ఇదిలా ఉండ‌గా గుర్జర్ నాయ‌కుడు విజ‌య్ సింగ్ బైంస్లా(Vijay Singh Bainsla) వీడియో సందేశంలో ఈ కీల‌క వ్యాఖ్య‌లు చేయ‌డం క‌ల‌క‌లం రేపింది. దీనిపై పార్టీ ఆరా తీస్తోంది. మ‌రో వైపు రాహుల్ గాంధీ చేప‌ట్టిన యాత్రకు భారీ ఎత్తున ఆద‌ర‌ణ ల‌భిస్తోంది.

ఇప్ప‌టి వ‌ర‌కు పాద‌యాత్ర త‌మిళ‌నాడు, కేర‌ళ‌, క‌ర్ణాట‌క‌, ఆంధ్ర‌ప్ర‌దేశ్ , తెలంగాణ‌, మ‌హారాష్ట్రల‌లో ముగిసింది. ఈ సంద‌ర్బంగా మ‌రాఠాలో రాహుల్ గాంధీ చేసిన కామెంట్స్ దేశ వ్యాప్తంగా కాషాయ వ‌ర్గాల‌లో క‌లక‌లం రేపింది. ఆర్ఎస్ఎస్ సిద్దాంత‌క‌ర్త వీడీ సావ‌ర్క‌ర్ దేశానికి ద్రోహం త‌ల‌పెట్టాడ‌ని ఆరోపించారు.

ఆయ‌న‌కు మ‌ద్దతుగా గాంధీ ముని మ‌నవ‌డు సైతం సావ‌ర్క‌ర్ గాడ్సేకు తుపాకి ఇచ్చాంటూ సంచ‌ల‌న ఆరోప‌ణ‌లు చేశారు.

Also Read : సావ‌ర్క‌ర్ క‌థ ముగిసిన అధ్యాయం – జైరాం