Jagga Reddy Sharmila : ష‌ర్మిల‌ను ఈజీగా వ‌ద‌ల‌ను – జగ్గారెడ్డి
Jagga Reddy Sharmila : కాంగ్రెస్ సీనియ‌ర్ నేత జగ్గారెడ్డి షాకింగ్ కామెంట్స్ చేశారు. వైఎస్సార్ తెలంగాణ పార్టీ చీఫ్ వైఎస్ ష‌ర్మిల క‌థ ఏందో త్వ‌ర‌లోనే చెబుతాన‌ని అన్నారు. అంతే కాదు ఆమెను అంత సుల‌భంగా వదిలే ప్ర‌స‌క్తి లేద‌ని స్ప‌ష్టం చేశారు. ఆయ‌న మీడియాతో మాట్లాడారు. త‌న‌పై నోరు పారేసుకున్న ఆమె గురించి కీల‌క వ్యాఖ్య‌లు చేయ‌డం క‌ల‌క‌లం రేపింది.
త‌న‌ను క‌డిగేస్తాన‌ని అంద‌ని, మ‌రో ఎమ్మెల్యే మ‌గ‌త‌నం గురించి మాట్లాడింద‌ని..ఎవ‌రు ఏది మాట్లాడినా తెలుసుకుని మాట్లాడాల‌న్నారు. నోరు ఉంది క‌దా అని ఇత‌రుల‌పై రాళ్లు వేస్తే ఎలా అని ప్ర‌శ్నించారు జగ్గారెడ్డి(Jagga Reddy). త‌న‌ను క‌డిగేస్తాన‌ని అన్న‌ద‌ని ఎలా క‌డుగుత‌దో చూస్తాన‌ని అన్నారు. ఇక్కడ ఆమెకు ఏం ప‌ని అని ప్ర‌శ్నించారు.
ఏపీలో ఆమె అన్న ఉన్న‌డు. అక్క‌డ స‌మ‌స్య‌లు లేవా అన్నారు. ఈమె ఏదో తెలంగాణ‌ను ఉద్ద‌రిస్తాన‌ని అంటోంద‌ని, ఎంతో మంది సీనియ‌ర్లం ఇక్కడ ఉన్నా ఏం చేయ‌లేక పోతున్నామని అన్నారు జగ్గారెడ్డి. ఇక్కడ ఏద‌దో ఉద్ద‌రిస్తున్న‌ట్లు ప్ర‌జ‌ల గురించి తానే వ‌క‌ల్తా పుచ్చుకుని మాట్లాడ‌టం విడ్డూరంగా ఉందంటూ ఎద్దేవా చేశారు.
ష‌ర్మిల(Sharmila) ఎప్ప‌టికీ రాయ‌ల‌సీమ‌కు చెందిన వార‌సురాలు. తెలంగాణ‌కు కోడ‌లు మాత్ర‌మేన‌ని అన్నారు. బ్ర‌ద‌ర్ అనిల్ గురించి, ష‌ర్మిల సొంత వ్య‌వ‌హారాల క‌థ అంతా త్వ‌ర‌లోనే బ‌య‌ట పెడ‌తాన‌ని హెచ్చ‌రించారు. ఆమె అస‌లు క‌థ గురించి నెక్ట్స్ ఎపిసోడ్ లో వివ‌రంగా చెబుతాన‌ని అన్నారు జగ్గారెడ్డి.
Also Read : మ‌గ‌త‌నం’ రాజ‌కీయం క‌ల‌క‌లం