Rahul Gandhi Viral : త‌గ్గేదే లేదంటున్న రాహుల్ గాంధీ
సోష‌ల్ మీడియాలో మ‌రోసారి హ‌ల్ చ‌ల్
Rahul Gandhi Viral : ఘ‌న‌మైన రాజ‌కీయ వార‌స‌త్వం క‌లిగిన రాహుల్ గాంధీ ఇప్పుడు హాట్ టాపిక్ గా మారారు. గ‌తంలో భార‌తీయ జ‌న‌తా పార్టీ చేసిన దుష్ప్ర‌చారం ఏమీ ప‌ని చేయ‌లేక పోతోంది. ఇప్పుడు రాహుల్ గాంధీని(Rahul Gandhi Viral) ఎదుర్కోవ‌డంపైనే మోదీ, ఆయ‌న ప‌రివారం ఎక్కువ‌గా ఫోక‌స్ పెడుతోంది.
నిత్యం ఆరోప‌ణ‌లు గుప్పిస్తోంది. ప్ర‌జ‌ల స‌మ‌స్య‌ల‌ను ఏక‌రువు పెడుతూ దేశ వ్యాప్తంగా ద్వేషం కాదు కావాల్సింది ప్రేమ కావాలంటూ పిలుపునిస్తూ ముందుకు సాగుతున్నారు ఈ యువ నాయ‌కుడు. దీంతో 2022లో ఎవ‌రూ ఊహించ‌ని రీతిలో దేశ ప్ర‌జ‌లు రాహల్ లో కొత్త గాంధీని చూశారు.
ఆయ‌నను ఇంత‌కు ముందు ప‌ప్పు అని ఎద్దేవా చేసిన వారు, రాజ‌కీయాల‌కు ప‌నికి రాడ‌ని దూషించిన వాళ్లంతా సిగ్గుప‌డేలా త‌న‌ను తాను ప్రూవ్ చేసుకుంటూ క‌దులుతున్నారు రాహుల్ గాంధీ(Rahul Gandhi Viral). ఇవాళ అవున‌న్నా కాద‌న్నా విస్మ‌రించ లేని నాయ‌కుడిగా మారారు. ఆయ‌న 2022 సెప్టెంబ‌ర్ 6న భార‌త్ జోడో యాత్ర‌ను చేప‌ట్టారు.
ఇది తొమ్మిది రాష్ట్రాల‌లో పూర్తి చేసుకుంది. ఇంకా 790 కిలోమీట‌ర్లు యాత్ర చేప‌ట్టాల్సి ఉంది. ఇదే స‌మ‌యంలో కొంత విరామం తీసుకున్న రాహుల్ గాంధీ ప‌లు కీల‌క అంశాల‌పై ప్ర‌శ్నిస్తున్నారు. ప్ర‌ధాన మంత్రి న‌రేంద్ర మోదీని నిల‌దీస్తున్నారు. ఈ దేశానికి ఏం చేశారో చెప్పాల‌ని కోరుతున్నారు. ఒక ర‌కంగా ఆయ‌న అదానీని అంబానీని వ‌దిలి పెట్ట‌డం లేదు.
ఇదిలా ఉండ‌గా హాలీవుడ్ సినిమా ప్ర‌పంచ వ్యాప్తంగా అవ‌తార్ పేరుతో మ‌రోసారి విడుద‌లై సంచ‌ల‌న సృష్టిస్తోంది. ప్ర‌స్తుతం కొత్త అవ‌తారంలో రాహుల్ గాంధీ ప్రభంజ‌నం చేసేందుకు రెడీగా ఉన్నారంటున్నారు శివ‌సేన ఎంపీ సంజ‌య్ రౌత్.
Also Read : మోదీ మ‌ళ్లీ ప్ర‌ధాని కావ‌డం ఖాయం