Vijay Varisu : విజ‌య్ మూవీ వ‌సూళ్ల సునామి
కాపీ అన్నా కోట్లు వ‌సూలు చేస్తోంది
Vijay Varisu : స‌క్సెస్ ఫుల్ నిర్మాత‌గా పేరొందిన వెంక‌ట్ర‌మ‌ణా రెడ్డి అలియాస్ దిల్ రాజు ప్ర‌తిష్టాత్మ‌కంగా నిర్మించిన చిత్రం వారిసు. తెలుగులో వార‌సుడుగా వ‌చ్చింది.
కొన్ని సినిమాల‌ను క‌లిపి ద‌ర్శ‌కుడు వంశీ పైడిప‌ల్లి వారిసు తీశాడంటూ పెద్ద ఎత్తున ప్ర‌చారం జ‌రిగింది. విచిత్రం ఏమిటంటే త‌మిళ సినిమా రంగంలో మినిమం గ్యారెంటీ ఉన్న న‌టుల్లో టాప్ లో ఉండే ఏకైక న‌టుడు విజ‌య్. ఆయ‌న‌కు పిచ్చ ఫాలోయింగ్ ఉంది. చిటికేస్తే చాలు ఊగి పోతారు అభిమానులు.
విజ‌య్ త‌న కెరీర్ లో మొద‌టిసారి ఫ్యామిలీ ప్రాధాన్య‌త క‌లిగిన చిత్రంలో న‌టించ‌డం. క‌థ న‌చ్చ‌డం, ఆ వెంట‌నే ఓకే చెప్ప‌డం సినిమా రిలీజ్ కావ‌డం కూడా జ‌రిగింది.
అయితే చిత్రం విడుద‌ల‌పై కొంత సందిగ్ద‌త నెల‌కొంది. తెలుగులో 14న వార‌సుడును రిలీజ్ చేశారు. ఇక త‌మిళంతో పాటు ప్ర‌పంచ వ్యాప్తంగా జ‌న‌వ‌రి 11నే వారిసును విడుద‌ల చేశారు. మొద‌ట్లో డివైడ్ టాక్ వ‌చ్చింది. కానీ ఆ త‌ర్వాత సీన్ చిరిగి పోయేలా బాక్సులు బ‌ద్ద‌లు కొడుతూ వ‌స్తోంది వారిసు చిత్రం.
విజ‌య్ క‌లెక్ష‌న్ల సునామీ కొన‌సాగుతోంది. ఆయ‌న వ‌రుస‌గా త‌న కెరీర్ లో ఏడవ సారి రూ. 200 కోట్ల క్ల‌బ్ లో చేరి పోయారు. మ్యూజిక్ , డైరెక్ష‌న్ , విజ‌య్ , ర‌ష్మిక నట‌న హై రేంజ్ కు తీసుకు వెళ్లేలా చేసింది.
ఆయ‌న మ‌రోసారి డ‌బుల్ సెంచ‌రీ కొట్ట‌డం విశేషం. ఇప్ప‌టి వ‌ర‌కు విడుద‌లైన వారిసు (వార‌సుడు) చిత్రం(Vijay Varisu) వారం రోజుల్లోనే 213 కోట్లు వ‌సూలు చేసింది. ఇదే విష‌యాన్ని చిత్ర యూనిట్ వెల్ల‌డించింది. మొత్తంగా నిర్మాత దిల్ రాజు చెప్పిన‌ట్లు కంటెంట్ ఉంటే త‌న సినిమాకు త‌ప్ప‌కుండా జ‌నం వ‌స్తార‌ని. ఆ విష‌యం వ‌మ్ము కాలేదు.
Also Read : నెట్‌ఫ్లిక్స్ సిఇఓ రీడ్ హేస్టింగ్స్ గుడ్ బై