PM Modi Chadar : మోడీకి ఆజ్మీర్ ద‌ర్గా ‘చాద‌ర్’

PM Modi Chadar : భార‌త దేశ ప్ర‌ధాన‌మంత్రి న‌రేంద్ర దామోద‌ర దాస్ మోడీకి అన్ని వ‌ర్గాల నుంచి అభిమానులు ఉన్నారు. ఆయ‌న‌ను చిన్నారుల నుంచి పెద్ద‌ల దాకా ప్రేమిస్తారు. ఈ దేశానికి ఆయ‌నే స‌రైన నాయ‌కుడ‌ని భావిస్తారు. ఒక ర‌కంగా మోడీ హిందూ ర‌క్ష‌కుడని కూడా అంటారు. హిందూ సంస్థ‌లు మోడీని అభిన‌వ భార‌త నిర్మాత అని కొనియాడారు కొంద‌రు.

వీరిలో ప్ర‌ముఖంగా ఉన్నారు మ‌హారాష్ట్ర ఉప ముఖ్య‌మంత్రి దేవేంద్ర ఫ‌డ్న‌వీస్ భార్య అమృత ఫ‌డ్న‌వీస్. ఆమె ఏకంగా ఈ దేశంలో ఇద్ద‌రే జాతిపిత‌లు ఉన్నార‌ని పేర్కొన్నారు. ఒక‌రు జాతిపిత మ‌హాత్ముడైతే న‌వ భార‌త జాతిపిత ఒకే ఒక్క‌డు ప్ర‌ధాన‌మంత్రి న‌రేంద్ర మోడీ అని. ఆయ‌న‌కు భార‌తీయ సంస్కృతి, సంప్ర‌దాయాలు అంటే వ‌ల్ల‌మాలిన అభిమానం.

ఈ దేశంలో కొలువు తీరిన ప్ర‌తి ఆల‌యంలో ఒక నిగూఢ‌మైన చ‌రిత్ర ఉంద‌ని న‌మ్ముతారు. అంతే కాదు అన్ని వ‌ర్గాల‌కు చెందిన ప్రార్థ‌నా మందిరాలు స‌ఖ్య‌త‌కు, మాన‌వ‌త‌కు ప్ర‌తీక‌ల‌ని న‌మ్ముతారు. ఆయ‌న గుళ్ల‌కు వెళతారు. ఎక్క‌డికి వెళ్లినా ఏ కాస్త స‌మ‌యం చిక్కినా వెంట‌నే ద‌ర్గాల‌ను కూడా సంద‌ర్శిస్తారు.

ఇందులో భాగంగా బుధ‌వారం ఆస‌క్తిక‌ర ప‌రిణామం చోటు చేసుకుంది. దేశంలోనే పేరొందిన ద‌ర్గా ఆజ్మీర్ ష‌రీఫ్ ధ‌ర్గా. క్వాజా మొయినుద్దీన్ చిస్తీ ఉర్సుపై స‌మ‌ర్పించే చాద‌ర్ ను ప్ర‌త్యేకంగా ప్ర‌ధాన‌మంత్రి న‌రేంద్ర మోడీకి(PM Modi Chadar) స‌మ‌ర్పించారు. ఈ కార్య‌క్ర‌మంలో కేంద్ర మంత్రి స్మృతీ ఇరానీ కూడా ఉన్నారు. ఇదిలా ఉండ‌గా ఇందుకు సంబంధించిన ఫోటో నెట్టింట్లో వైర‌ల్ గా మారింది.

Also Read : ఈజిప్టుతో వ్యూహాత్మ‌క భాగస్వామ్యం