PM Modi Tripura : త్రిపురలో గెలుపు ఖాయం – మోదీ
రికార్డు స్థాయిలో ఓటు వేయండి
PM Modi Tripura : త్రిపురలో పోలింగ్ కొన‌సాగుతోంది. రాష్ట్రంలో ఇప్ప‌టికే కొలువు తీరిన భార‌తీయ జ‌న‌తా పార్టీ మ‌రోసారి ప‌వ‌ర్ లోకి రావాల‌ని యోచిస్తోంది. సీఎం డాక్ట‌ర్ మాణిక్ సాహా సార‌థ్యంలో ఈసారి కూడా తామే మ‌ళ్లీ అధికారంలోకి రావ‌డం ఖాయ‌మ‌ని జోష్యం చెబుతోంది బీజేపీ.
మ‌రో వైపు సీపీఎం, కాంగ్రెస్ పార్టీలు క‌లిసి ఈసారి ఎన్నిక‌ల బ‌రిలో నిల‌వ‌డం విశేషం. ఇదిలా ఉండ‌గా త్రిపురలో ఎవ‌రు ఎన్ని జిమ్మిక్కిలు చేసినా వ‌ర్క‌వుట్ కాద‌న్నారు దేశ ప్ర‌ధాన మంత్రి న‌రేంద్ర మోదీ.
గురువారం ఆయ‌న కీల‌క వ్యాఖ్య‌లు చేయ‌డం ప్రాధాన్య‌త సంత‌రించుకుంది. రికార్డు స్థాయిలో త‌మ ఓటు వేయాల‌ని పిలుపునిచ్చారు. త‌మ‌దే అంతిమ విజ‌యం అని కుండ బ‌ద్ద‌లు కొట్టారు న‌రేంద్ర మోదీ(PM Modi Tripura). ప్ర‌స్తుతం త్రిపురలో ముక్కోణ‌పు పోటీ నెల‌కొంది. బీజేపీ ఎక్క‌డా త‌గ్గ‌డం లేదు.
ఇప్ప‌టికే త‌న ఓటు వేసిన అనంత‌రం సీఎం డాక్ట‌ర్ మాణిక్ సాహా విజ‌య ద‌ర‌హాసంతో క‌నిపించారు. ఆయ‌న విక్ట‌రీ సింబ‌ల్ తో క‌నిపించారు.
ఈ దేశ భ‌విష్య‌త్తు యువ‌త‌పైనే ఉంద‌న్నారు మోదీ. అందుకే త‌మ విలువైన ఓటును బీజేపీకి వేయాల‌ని, అభివృద్దికి బాట‌లు వేయాల‌ని కోరారు ప్ర‌ధాన‌మంత్రి. ప్ర‌జాస్వామ్య పండుగ‌ను బ‌లోపేతం చేయాల‌ని కోరారు న‌రేంద్ర మోదీ.
ప్ర‌స్తుతం కాంగ్రెస్, క‌మ్యూనిస్టులు పొత్తు కుదుర్చోగా ఇంకో వైపు బీజేపీతో పాటు టీఎంసీ బ‌రిలో నిలిచింది. సాయంత్రం దాకా కొన‌సాగ‌నుంది పోలింగ్ . 28.14 ల‌క్ష‌ల మంది ఓటు హ‌క్కు వినియోగించుకున్నారు. రాష్ట్రంలో ఎవ‌రి ధీమా వారే వ్య‌క్తం చేస్తున్నారు.
Also Read : బీబీసీ ఆఫీసుల్లో మూడో రోజు సోదాలు