Jagga Reddy Komatireddy : వెంక‌న్న‌కు జ‌గ్గ‌న్న స‌పోర్ట్

Jagga Reddy Komatireddy : ఏ విష‌య‌మైనా ఉన్న‌ది ఉన్న‌ట్లు మాట్లాడ‌టంలో కాంగ్రెస్ పార్టీకి చెందిన ఎమ్మెల్యే జ‌గ్గారెడ్డి త‌ర్వాతే ఎవ‌రైనా. ఆయ‌న ఏది మాట్లాడినా ముక్కుసూటిగా చెప్పేస్తారు. తాజాగా మ‌రో సంచ‌ల‌న కామెంట్స్ చేశాడు.

భువ‌న‌గ‌రి ఎంపీ కోమ‌టిరెడ్డి వెంక‌ట్ రెడ్డి తాజాగా చేసిన కామెంట్స్ తెలంగాణ రాజ‌కీయాల్లో ఒక్క‌సారిగా చ‌ర్చ‌కు దారితీశాయి. రాష్ట్రంలో రాబోయే ఎన్నిక‌ల్లో ఏ పార్టీకి మెజారిటీ రాద‌న్నారు. 60 సీట్ల‌కు మించి రావ‌ని, రోజు రోజుకు భార‌తీయ జ‌న‌తా పార్టీ బ‌ల‌ప‌డుతోంద‌ని ఇందులో ఎలాంటి అనుమానం అక్క‌ర్లేద‌న్నారు.

ఇక బీరాలు ప‌లుకుతున్న బీఆర్ఎస్ చీఫ్ , సీఎం కేసీఆర్ కు ఈసారి గ‌ట్టి పోటీ ఎదుర‌వుతుంద‌ని , ఆయ‌న ఎన్ని జిమ్మిక్కులు చేసినా, మ్యాజిక్కులు ప్ర‌ద‌ర్శించినా జ‌నం న‌మ్మే స్థితిలో లేర‌న్నారు. ఆపై ఆ పార్టీ కూడా ప‌వ‌ర్ లోకి రాద‌ని తేల్చేశారు. చివ‌ర‌కు మరో ఆస‌క్తిక‌ర కామెంట్ కూడా చేశాడు. ఎప్ప‌టికైనా తాను ప‌వ‌ర్ లో ఉండాల‌ని అనుకుంటే గ‌త్యంత‌రం లేక త‌మ పార్టీతో క‌లిసి రావాల్సిందేనంటూ జోష్యం చెప్పారు కోమటిరెడ్డి వెంక‌ట్ రెడ్డి.

దీనిపై ఆయ‌న‌పై చ‌ర్య‌లు తీసుకోవాల‌ని కాంగ్రెస్ సీనియ‌ర్ నాయ‌కుడు అద్దంకి ద‌యాక‌ర్ డిమాండ్ చేశారు. ఇదిలా ఉండ‌గా తాను అన్న దాంట్లో త‌ప్పేమీ లేద‌ని , ఉన్న వాస్త‌వం కోమ‌టిరెడ్డి వెంక‌ట్ రెడ్డి చెప్పాడ‌ని కితాబు ఇచ్చారు. తాను వెంక‌న్న‌కు(Jagga Reddy Komatireddy) స‌పోర్ట్ గా నిలుస్తాన‌ని స్ప‌ష్టం చేశాడు జ‌గ్గారెడ్డి.

వెంక‌ట్ రెడ్డి చేసిన కామెంట్స్ వ‌ల్ల పార్టీకి ఎలాంటి న‌ష్టం వాటిల్ల‌ద‌న్నారు జ‌గ్గారెడ్డి. ఆయ‌న వ్యాఖ్య‌ల్ని కొంద‌రు త‌ప్పుగా వ‌క్రీక‌రించార‌ని ఆరోపించారు.

Also Read : తెలంగాణ‌లో బ‌డుల కంటే బార్లే ఎక్కువ