Cong Leader Sachin Pilot : మోదీ..ఓవైసీకి అంత సీన్ లేదు
కాంగ్రెస్ అగ్ర నేత స‌చిన్ పైల‌ట్
Cong Leader Sachin Pilot : కాంగ్రెస్ యువ నాయ‌కుడు స‌చిన్ పైల‌ట్ సంచ‌ల‌న కామెంట్స్ చేశారు. రాజ‌స్థాన్ లో ప్ర‌స్తుతం జ‌ర‌గ‌బోయే అసెంబ్లీ ఎన్నిక‌ల్లో ప్ర‌ధాన‌మంత్రి న‌రేంద్ర మోదీ, అస‌దుద్దీన్ ఓవైసీ(Asaduddin Owaisi) ప్ర‌భావం ఏమాత్రం ఉండ‌ద‌న్నారు. తాము మ‌ళ్లీ ప‌వ‌ర్ లోకి రావ‌డం ఖాయ‌మ‌న్నారు. ఛ‌త్తీస్ గ‌ఢ్ లో కొలువు తీరిన కాంగ్రెస్ పార్టీ ప్ర‌భుత్వానికి చెందిన ఎమ్మెల్యేల‌పై ఈడీ దాడులు చేయ‌డాన్ని తీవ్రంగా ఖండించారు స‌చిన్ పైల‌ట్. ఇది కావాల‌ని క‌క్ష సాధింపు త‌ప్ప మ‌రొక‌టి కాద‌న్నారు.
కేవ‌లం బీజేపీయేత‌ర పార్టీలు, నాయ‌కులు , సంస్థ‌ల‌పై దాడులు చేస్తున్నారంటూ ఆరోపించారు. వీరిద్ద‌రి ప్ర‌భావం ఏమీ ఉండ‌ద‌న్నారు. ఎన్నిక‌ల సంవ‌త్స‌రంలో ప్ర‌ధాన‌మంత్రి న‌రేంద్ర మోదీ , ఎంఐఎం చీఫ్ అసుదుద్దీన్ ఓవైసీలు త‌రచూ రాష్ట్రానికి వస్తున్నార‌ని , అది కేవ‌లం ఓట్లు రాబ‌ట్టుకునేందుకేన‌ని ఎద్దేవా చేశారు స‌చిన్ పైల‌ట్(Cong Leader Sachin Pilot). ఒక్క‌సారి ల‌క్ష్యం నెర‌వేరితే అవి క‌నుమ‌రుగు అవ‌డం ఖాయ‌మ‌న్నారు మాజీ ఉప ముఖ్య‌మంత్రి. రాజ‌స్థాన్ లోని శ్రీ‌గంగాన‌గ‌ర్ జిల్లాలో జ‌రిగిన బ‌హిరంగ స‌భ‌లో స‌చిన్ పైల‌ట్ ప్ర‌సంగించారు.
అసెంబ్లీ ఎన్నిక‌ల‌కు ముందు కాంగ్రెస్ బ‌లంగా ఉన్న ప్రాంతాల‌ను సంద‌ర్శించాల‌నే ఉద్దేశంతో ఢిల్లీ ముంబై ఎక్స్ ప్రెస్ వేలోని ఢిల్లీ దౌసా లాల్సోట్ భాగాన్ని ప్రారంభించేందుకు ప్ర‌ధాని(PM Modi) కావాల‌ని ఎంచుకున్నార‌ని ఆరోపించారు. ఇదంతా ఎన్నిక‌ల జిమ్మిక్కు త‌ప్ప మ‌రోటి కాద‌న్నారు మాజీ ఉప ముఖ్య‌మంత్రి.
స‌చిన్ పైల‌ట్ 2004 నుండి 2009 వ‌ర‌కు పార్ల‌మెంట్ లో దౌసా లోక్ స‌భ స్థానానికి ప్రాతినిధ్యం వ‌హించారు. ఎంత ప్ర‌య‌త్నం చేసినా బీజేపీ ప‌వ‌ర్ లోకి రాద‌న్నారు.
Also Read : సిసోడియా విచార‌ణ‌కు రావాల్సిందే