Amitesh Shukla Rahul : రాహుల్ దేశానికి మ‌హాత్మా గాంధీ

Amitesh Shukla Rahul : ఛ‌త్తీస్ గ‌ఢ్ రాష్ట్రానికి చెందిన కాంగ్రెస్ పార్టీ ఎమ్మెల్యే అమితేష్ శుక్లా సంచ‌ల‌న వ్యాఖ్య‌లు చేశారు. ఏఐసీసీ మాజీ చీఫ్‌, అగ్ర నాయ‌కుడు రాహుల్ గాంధీని ఆకాశానికి ఎత్తేశారు. గురువారం ఆయ‌న మీడియాతో మాట్లాడారు. రాహుల్ గాంధీ అరుదైన నాయ‌కుడ‌ని అభివ‌ర్ణించారు. అంతే కాదు ఆయ‌న ఆధునిక భార‌త దేశానికి మ‌హాత్మా గాంధీ అని కొనియాడారు. ప్ర‌స్తుతం కాంగ్రెస్ పార్టీ ఎమ్మెల్యే అమితేష్ శుక్లా చేసిన కామెంట్స్ క‌ల‌క‌లం రేపాయి. సోష‌ల్ మీడియాలో వైర‌ల్ గా మారాయి.

ఇదిలా ఉండ‌గా 2018లో జ‌రిగిన అసెంబ్లీ ఎన్నిక‌ల్లో అమితేష్ శుక్లా(Amitesh Shukla Rahul) భారీ తేడాతో విజ‌యాన్ని సాధించారు. మ‌హాత్మా గాంధీ , రాహుల్ గాంధీ మ‌ధ్య అనేక సారూప్య‌తలు ఉన్నాయ‌ని పేర్కొన్నారు. ఇది పార్టీ అభిప్రాయం కాద‌ని కేవ‌లం త‌న వ్య‌క్తిగ‌త అభిప్రాయ‌మేన‌ని స్ప‌ష్టం చేశారు. ఇదే స‌మ‌యంలో రాహుల్ గాంధీని రాష్ట్రీయ పుత్ర అని పిలిచారు. అంటే అర్థం జాతి కుమారుడు అని.

ఆనాడు ఆంగ్లేయుల దాస్య శృంఖ‌లాల నుంచి దేశాన్ని విముక్తం చేసేందుకు మ‌హాత్మా గాంధీ దండి మార్చ్ చేశారు. ఇవాళ దేశంలో సామ‌ర‌స్య‌త‌, ప్రేమ ఉండాల‌ని, అన్ని కులాలు, మ‌తాలు, వ‌ర్గాలు స‌మాన‌మేనంటూ రాహుల్ గాంధీ భార‌త్ జోడో యాత్ర చేప‌ట్టార‌ని గుర్తు చేశారు. అందుకే తాను రాహుల్ గాంధీని మ‌హాత్ముడితో పోల్చుతున్నాన‌ని చెప్పారు అమితేశ్ శుక్లా(Amitesh Shukla).

Also Read : సిసోడియా బెయిల్ పై సీబీఐకి నోటీసులు