Balagam Venu : వేణు ఖాతాలో మ‌రో అవార్డు

Balagam Venu : న‌టుడి నుంచి ద‌ర్శ‌కుడిగా మారిన వేణు హ‌వా కొన‌సాగుతూనే ఉంది. దిల్ రాజు స‌మ‌ర్ప‌ణ‌లో తీసిన బ‌ల‌గం సినిమా అవార్డుల‌ను కొల్ల‌గొడుతోంది. ఇందులో మ‌నుషుల భావోద్వేగాల‌ను తెర‌పై అద్భుతంగా పండించ‌డంలో స‌క్సెస్ అయ్యాడు ద‌ర్శ‌కుడు.

తొలిసారిగా ద‌ర్శ‌క‌త్వం వ‌హించిన వేణు పేరు ఇప్పుడు తెలుగు సినిమా రంగంలోనే కాదు ప్ర‌పంచ వ్యాప్తంగా పేరు మారుమ్రోగుతోంది. అంత‌ర్జాతీయ ప‌రంగా ప‌లు అవార్డులు ద‌క్కాయి. తాజాగా మ‌రో అవార్డు వేణు(Balagam Venu) ఖాతాలో చేరింది.

ప్రేక్ష‌కులు బ‌ల‌గం చిత్రానికి బ్ర‌హ్మ‌ర‌థం ప‌ట్టారు. సినిమా చూసిన ప్ర‌తి ఒక్క‌రు కంట త‌డి పెడుతూనే ఉన్నారు. తెలంగాణ నేప‌థ్యంలోని ప‌ల్లెటూళ్ల‌లో ఉన్న సంబంధాల‌ను ఇంత గొప్ప‌గా చిత్రీక‌రించిన దాఖ‌లాలు చాలా తక్కువ‌. ప్రేక్ష‌కుల‌తో పాటు విమ‌ర్శ‌కులు సైతం బ‌ల‌గం లోని గొప్ప‌త‌నాన్ని, ద‌ర్శ‌కుడి ప‌నిత‌నాన్ని, న‌టీన‌టుల ప్ర‌తిభ‌ను మెచ్చుకుంటున్నారు. ప్ర‌శంస‌ల జ‌ల్లులు కురిపిస్తున్నారు.

త‌క్కువ బ‌డ్జెట్ తో తీసిన ఈ చిత్రం కోట్లు కొల్ల‌గొడుతోంది. అరౌండ్ ఇంట‌ర్నేష‌న‌ల్ అవార్డు ఆమ్ స్ట‌ర్ డామ్ కార్య‌క్ర‌మంలో బ‌ల‌గం తీసిన వేణుకు ఉత్త‌మ ద‌ర్శ‌కుడి పుర‌స్కారం ద‌క్కింది. అమెరికా, బ్రిట‌న్ , చైనా, త‌దిత‌ర దేశాల‌కు చెందిన సినిమాలు ప్ర‌ద‌ర్శించినా చివ‌ర‌కు వేణునే వ‌రించింది.

Also Read : అందుకే ‘నంది’ వ‌ద్ద‌న్నా – పోసాని