RR vs DC IPL 2023 : చెల‌రేగిన జైశ్వాల్..బ‌ట్ల‌ర్..హిట్మెయ‌ర్

RR vs DC IPL 2023 : ఐపీఎల్ లో భాగంగా గౌహ‌టి వేదిక‌గా జ‌రుగుతున్న 11వ లీగ్ మ్యాచ్ లో ముందుగా బ్యాటింగ్ చేసిన రాజ‌స్థాన్ రాయ‌ల్స్ భారీ స్కోర్ చేసింది. ఢిల్లీ క్యాపిట‌ల్స్(RR vs DC IPL 2023) స్కిప్ప‌ర్ డేవిడ్ వార్న‌ర్ టాస్ గెలిచి ముందుగా ఫీల్డింగ్ ఎంచుకున్నాడు. మైదానంలోకి వ‌చ్చీ రావ‌డంతోనే యంగ్ ప్లేయ‌ర్ య‌శ‌స్వి జైశ్వాల్ దుమ్ము రేపాడు. కేవ‌లం 31 బంతులు ఎదుర్కొని 60 ర‌న్స్ చేశాడు. ఇందులో 11 ఫోర్లు ఒక సిక్స‌ర్ ఉంది.

ఇదే స‌మ‌యంలో స్టార్ హిట్ట‌ర్ జోస్ బ‌ట్ల‌ర్ ఆకాశ‌మే హ‌ద్దుగా చెల‌రేగాడు. ఓ వైపు కెప్టెన్ సంజూ శాంస‌న్ సున్నాకే వెనుదిరిగినా, రియాన్ ప‌రాగ్ 7 ప‌రుగుల‌కే నిరాశ ప‌రిచినా ఎక్క‌డా త‌గ్గ‌లేదు. స్కోర్ బోర్డును మ‌రో స్టార్ హిట్ట‌ర్ షిమ్రోన్ హిట్మెయ‌ర్ తో క‌లిసి భారీగా ర‌న్స్ చేసేలా కీల‌క పాత్ర పోషించాడు జోస్ బ‌ట్ల‌ర్.

51 బంతులు ఎదుర్కొన్న జోస్ బ‌ట్ల‌ర్ 79 ప‌రుగులు చేశాడు. ఇందులో 11 ఫోర్లు ఒక సిక్స‌ర్ ఉంది. ఇక షిమ్రోన్ హిట్మెయ‌ర్ దంచి కొట్టాడు. 21 బంతులు మాత్ర‌మే ఎదుర్కొన్న హిట్మెయ‌ర్ 4 సిక్స‌ర్లు ఒక ఫోర్ తో 39 ర‌న్స్ చేశాడు. 8 ప‌రుగులు చేశాడు. నిర్ణీత 20 ఓవ‌ర్ల‌లో రాజ‌స్థాన్ రాయ‌ల్స్ 4 వికెట్లు కోల్పోయి 199 ప‌రుగులు చేసింది. ఢిల్లీ క్యాపిట‌ల్స్ ముందు 200 ప‌రుగుల ల‌క్ష్యాన్ని నిర్దేశించింది.

Also Read : రెచ్చి పోయిన య‌శ‌స్వి జైశ్వాల్