GT vs KKR IPL 2023 : గుజ‌రాత్ కోల్ క‌తా బిగ్ ఫైట్

GT vs KKR IPL 2023 : ఐపీఎల్ 16వ సీజ‌న్ లో అస‌లై పోరుకు వేదిక కానుంది గుజ‌రాత్ లోని అహ్మ‌దాబాద్ స్టేడియం. త‌మ స్వంత మైదానం ఈడెన్ గార్డెన్స్ లో జ‌రిగిన కీల‌క మ్యాచ్ లో రాయ‌ల్ ఛాలెంజ‌ర్స్ బెంగ‌ళూరును మ‌ట్టి క‌రిపించింది కోల్ క‌తా. ప్ర‌ధానంగా స్పిన్న‌ర్ల ధాటికి ఆర్సీబీ కుప్ప కూలింది. ఊహించ‌ని రీతిలో ప‌రాజయం మూట‌గ‌ట్టుకుంది.

వ‌రుణ్ చ‌క్ర‌వ‌ర్తి కేవ‌లం 19 ర‌న్స్ ఇచ్చి 4 వికెట్లు తీస్తే ఢిల్లీ గ‌ల్లీ పోర‌డు సూయ‌ష్ శ‌ర్మ 3 వికెట్లు తీశాడు. విండీస్ స్టార్ క్రికెట‌ర్ సునీల్ స‌రైన్ సైతం స‌త్తా చాటాడు. బ్యాటింగ్ లో మొద‌ట త‌డ‌బ‌డినా శార్దూల్ ఠాకూర్ దుమ్ము రేపాడు. ఆకాశమే హ‌ద్దుగా చెల‌రేగాడు. ప్ర‌స్తుతం ఆర్సీబీ విజ‌యంతో కోల్ క‌తా నైట్ రైడ‌ర్స్ బ‌ల‌మైన గుజ‌రాత్ టైటాన్స్(GT vs KKR IPL 2023) ను ఢీకొన‌బోతోంది ఆదివారం.

ఇక పాండ్యా సార‌థ్యంలోని గుజ‌రాత్ వ‌రుస విజ‌యాల‌తో ఊపు మీదుంది. అటు బ్యాటింగ్ లో ఇటు బౌలింగ్ లో ఆధిప‌త్యం వ‌హిస్తోంది. ఎక్క‌డా త‌గ్గ‌డం లేదు. ముందు మైదానంలోకి దిగితే భారీ టార్గెట్ ను ప్ర‌త్య‌ర్థి ముందు ఉంచుతోంది. ఒక‌వేళ ప్ర‌త్య‌ర్థి జ‌ట్టు గ‌నుక ఎక్కువ ప‌రుగులు చేసినా ఛేద‌న‌లో దుమ్ము రేపుతోంది. అంతే కాదు బౌలింగ్ ప‌రంగా క‌ట్ట‌డి చేస్తోంది. మొత్తంగా ఇవాళ ఇరు జ‌ట్ల మ‌ధ్య జ‌రిగే మ్యాచ్ పై ఆస‌క్తి నెల‌కొంది ఎవ‌రు గెలుస్తార‌నే దానిపై.

Also Read : ఈసారైనా హైద‌రాబాద్ బోణీ కొట్టేనా