Ishan Kishan : ఇషాన్ కిష‌న్ ధనా ధ‌న్

Ishan Kishan : ముంబై లోని వాంఖ‌డే స్టేడియం వేదిక‌గా జ‌రిగిన కీల‌క‌మైన లీగ్ మ్యాచ్ లో రోహిత్ సేన అద‌ర‌గొట్టింది. గ‌త సీజ‌న్ లో పేల‌వ‌మైన ఆట తీరుతో ప్లే ఆఫ్స్ కు చేర‌కుండానే వెనుదిరిగింది. ఈసారి జ‌రుగుతున్న ఐపీఎల్ 16వ సీజ‌న్ లో ఆరంభంలో తీవ్ర నిరాశ ప‌రిచింది. ఆ త‌ర్వాత మెల మెల్ల‌గా పుంజుకుంది. ఏకంగా ప్లే ఆఫ్ రేసులో నిలిచింది. 4వ స్థానంలో ఉన్న రాజ‌స్థాన్ ను వెన‌క్కి నెట్టేసింది.

మ్యాచ్ లో భాగంగా ముందుగా బ్యాటింగ్ కు దిగింది రాయ‌ల్ ఛాలెంజ‌ర్స్ బెంగ‌ళూరు. నిర్ణీత 20 ఓవ‌ర్ల‌లో 199 ర‌న్స్ చేసింది.ఫాప్ డు ప్లెసిస్ 41 బంతులు ఎదుర్కొని 65 ప‌రుగులు చేస్తే గ్లెన్ మాక్స్ వెల్ 33 బంతుల్లో 68 రన్స్ తో రెచ్చి పోయాడు. అనంత‌రం 200 ప‌రుగుల ల‌క్ష్యంతో బ‌రిలోకి దిగిన ముంబై ఇండియ‌న్స్ 16.3 ఓవ‌ర్ల‌లో టార్గెట్ ముగించింది. ఓపెన‌ర్లుగా వ‌చ్చిన ఇషాన్ కిష‌న్ 21 బంతులు మాత్ర‌మే ఎదుర్కొని 42 ర‌న్స్ చేశాడు.

ఆర్సీబీ బౌల‌ర్ల‌ను ఉతికి ఆరేశాడు. హ‌స‌రంగ బౌలింగ్ సిక్స్ , 4 కొట్టిన ఇషాన్ కిష‌న్ మ‌రో బంతికి బోల్తా ప‌డ్డాడు. 7 ర‌న్స్ కే వెనుదిరిగాడు కెప్టెన్ రోహిత్ శ‌ర్మ‌. సూర్య కుమార్ యాద‌వ్ 35 బంతుల్లో 83 ర‌న్స్ తో స‌త్తా చాటాడు. 7 ఫోర్లు 6 సిక్స‌ర్లు కొట్టాడు. నేహాల్ వ‌ధేరా 52 ర‌న్స్ చేసి నాటౌట్ గా నిలిచాడు.

Also Read : వ‌ధేరా ఇన్నింగ్స్ అదుర్స్