Devon Conway : క‌దం తొక్కిన డెవాన్ కాన్వే

Devon Conway : మ‌హేంద్ర సింగ్ ధోనీ సార‌థ్యంలోని చెన్నై సూప‌ర్ కింగ్స్ దుమ్ము రేపింది. ఢిల్లీ క్యాపిట‌ల్స్ కు చుక్క‌లు చూపించింది. 77 ర‌న్స్ తేడాతో గెలుపొంది నేరుగా ప్లే ఆఫ్స్ కు చేరుకుంది. ముందుగా బ్యాటింగ్ చేసిన చెన్నై నిర్ణీత 20 ఓవ‌ర్ల‌లో 223 ర‌న్స్ చేసింది.

ఓపెన‌ర్లు రుతురాజ్ గైక్వాడ్ , డేవిడ్ కాన్వే(Devon Conway) నువ్వా నేనా అంటూ రెచ్చి పోయారు. ఢిల్లీ బౌల‌ర్ల‌కు చుక్క‌లు చూపించారు. ప‌రుగుల వ‌ర‌ద పారించారు. ఏ బౌల‌ర్ ను విడిచి పెట్ట‌లేదు. బౌండ‌రీలు, సిక్స‌ర్ల‌తో విరుచుకు ప‌డ్డారు ఇద్ద‌రు బ్యాట‌ర్లు. దీంతో భారీ స్కోర్ చేసింది చెన్నై.

ఒక‌రి మించి మ‌రొక‌రు దుమ్ము రేపారు. రుతురాజ్ గైక్వాడ్ పూన‌కం వ‌చ్చిన‌ట్లు ఆడాడు. స్టేడియం వైపులా క‌ళ్లు చెదిరే షాట్స్ తో అల‌రించాడు డేవిడ్ కాన్వే. కేవ‌లం 52 బంతులు మాత్ర‌మే ఎదుర్కొన్న కాన్వే 11 ఫోర్లు 3 సిక్స‌ర్ల‌తో దంచి కొట్టాడు. 87 ర‌న్స్ చేశాడు. ఇక రుతురాజ్ గైక్వాడ్ 50 బంతులు ఎదుర్కొని 3 ఫోర్లు 7 సిక్స‌ర్ల‌తో రెచ్చి పోయాడు. 79 ర‌న్స్ చేశాడు.

ఇద్ద‌రూ క‌లిసి మొద‌టి వికెట్ కు భారీ భాగ‌స్వామ్యాన్ని న‌మోదు చేశారు. ఆ త‌ర్వాత వ‌చ్చిన శివ‌బ్ దూబే 3 సిక్స‌ర్ల‌తో 22 ర‌న్స్ చేయ‌గా జ‌డేజా 3 ఫోర్లు ఒక సిక్స‌ర్ తో 20 ప‌రుగుల‌తో నాటౌట్ గా నిలిచాడు.

Also Read : Ruturaj Gaikwad