DK Shiva Kumar : ఫుట్ బాట్ జ‌ట్టు స‌క్సెస్ సూప‌ర్
ప్ర‌శంసించిన డిప్యూటీ సీఎం డీకే
DK Shiva Kumar : క‌ర్ణాట‌క డిప్యూటీ సీఎం డీకే శివ‌కుమార్ ఆస‌క్తిక‌ర వ్యాఖ్య‌లు చేశారు. ఆయ‌న‌కు క్రీడ‌లంటే చాలా ఇష్టం. ప్ర‌భుత్వ ప‌రంగా ఫుల్ బిజీగా ఉన్న‌ప్ప‌టికీ కొంత స‌మ‌యాన్ని ఆట‌ల కోసం, వాటిని చూసేందుకు కేటాయిస్తారు. తాజాగా ఎస్ఏఎఫ్ఎఫ్‌సీ ఛాంపియ‌న్ షిప్ ఫైన‌ల్ మ్యాచ్ ను ఎంతో ఆస‌క్తిగా వీక్షించారు. త‌మ జ‌ట్టు ప్ర‌స్తుతం 9 విజ‌యాల‌తో ఈ ఛాంపియ‌న్ షిప్ లో పూర్తిగా ఆధిప‌త్యం చెలాయిస్తోంద‌ని కితాబు ఇచ్చారు డీకే శివ‌కుమార్.
గ‌త రాత్రి తాను ప్ర‌త్య‌క్షంగా తిల‌కించాన‌ని, అద్భుత‌మైన ప్ర‌ద‌ర్శ‌న చేప‌ట్టారంటూ ఫుట్ బాల్ జ‌ట్టు స‌భ్యుల‌ను అభినందించారు. ఈ విజ‌యాన్ని చూసి దేశం మొత్తం గ‌ర్విస్తోంద‌ని పేర్కొన్నారు క‌ర్ణాట‌క ఉప ముఖ్య‌మంత్రి.
ఇటీవ‌లే క‌ర్ణాట‌క‌లో కాంగ్రెస్ ప్ర‌భుత్వం కొలువు తీరింది. 135 సీట్ల‌తో స‌ర్కార్ ను ఏర్పాటు చేసింది. ప్ర‌స్తుతం క‌ర్ణాట‌క ప్ర‌దేశ్ కాంగ్రెస్ క‌మిటీకి చీఫ్ గా కూడా ఉన్నారు. ఎన్ని అవాంత‌రాలు ఎదురైనా స‌రే, ఎన్ని ఇబ్బందులు త‌లెత్తినా స‌రే రాష్ట్రంలో క్రీడా రంగ అభివృద్దికి తాము క‌ట్టుబ‌డి ఉంటామ‌ని డిప్యూటీ సీఎం స్ప‌ష్టం చేశారు. భారీ ఎత్తున నిధులు కేటాయిస్తామ‌ని పేర్కొన్నారు డీకే శివ‌కుమార్(DK Shiva Kumar). ప్ర‌స్తుతం డీకే షేర్ చేసిన ఫోటో వైర‌ల్ గా మారింది.
Also Read : Bandi Sanjay Case : బండి అవినీతిపై విచార‌ణ జ‌రిపించాలి