CM KCR Contest : గ‌జ్వేల్..కామారెడ్డి నుంచి కేసీఆర్ పోటీ
తెలంగాణ‌లో ఎన్నిక‌ల శంఖారావం స్టార్ట్
CM KCR Contest : బీఆర్ఎస్ చీఫ్ , తెలంగాణ సీఎం కేసీఆర్ సోమ‌వారం కీల‌క ప్ర‌క‌ట‌న చేశారు. ప్ర‌గ‌తి భ‌వ‌న్ లో మొత్తం 119 స్థానాల‌కు సంబంధించి వివ‌రాలు వెల్ల‌డించారు. ఇప్ప‌టి వ‌ర‌కు 115 అసెంబ్లీ నియోజ‌క‌వ‌ర్గాల‌కు అభ్య‌ర్థుల‌ను ప్ర‌క‌టించారు. ఇందులో 7 మంది సిట్టింగ్ ఎమ్మెల్యేల‌ను ప‌క్క‌న పెట్టామ‌న్నారు. వివిధ కార‌ణాల రీత్యా వారికి సీట్లు ఇవ్వ‌లేద‌న్నారు కేసీఆర్.
CM KCR Contest Two Assembly Seats
ఇదిలా ఉండ‌గా తాను రెండు నియోజ‌క‌వ‌ర్గాల నుంచి పోటీ చేయ‌నున్న‌ట్లు ప్ర‌క‌టించారు. అంద‌రినీ విస్తు పోయేలా చేశారు. త‌న స్వంత ప్రాంతం గ‌జ్వేల్ తో పాటు కామారెడ్డి నుంచి బ‌రిలో ఉంటాన‌ని స్ప‌ష్టం చేశారు. దీనికి ప్ర‌త్యేక కార‌ణం ఉంద‌ని చెప్పారు కేసీఆర్(KCR). కార‌ణం ఏమిటంటే అక్క‌డి ప్ర‌జ‌లంతా త‌న‌ను పోటీ చేయాల‌ని కోరుకుంటున్నార‌ని , వారి కోరిక మ‌న్నించి తాను బ‌రిలో ఉండాల‌ని నిర్ణ‌యం తీసుకున్న‌ట్లు చెప్పారు.
ఇదిలా ఉండ‌గా సీట్లు రాని వాళ్లు ఇబ్బంది ప‌డ‌వ‌ద్ద‌ని కోరారు. వారిని ఎక్క‌డో ఒక చోట ఇరికించే ప్ర‌య‌త్నం చేస్తాన‌ని తెలిపారు. ఎమ్మెల్సీ, ఎంపీ , చైర్మ‌న్ లుగా అవ‌కాశాలు ఉంటాయ‌ని ఇప్ప‌టికే కొంద‌రిని నియ‌మించ‌డం జ‌రిగింద‌న్నారు సీఎం.
ఇక ఎన్నిక‌ల శంఖారావం మొద‌లైనేట్టేన‌ని ప్ర‌క‌టించారు. అక్టోబ‌ర్ 16న బీఆర్ఎస్ గ‌ర్జ‌న ఉంటుంద‌న్నారు.
Also Read : CM KCR : ఏడుగురు సిట్టింగ్ ల‌కు నో ఛాన్స్