Sajjala Ramakrishna Reddy : చంద్రబాబు దీక్ష హాస్యాస్ప‌దం

Sajjala Ramakrishna Reddy : తాడేప‌ల్లి గూడెం – ఏపీ ప్ర‌భుత్వ స‌ల‌హాదారు స‌జ్జ‌ల రామ‌కృష్ణా రెడ్డి షాకింగ్ కామెంట్స్ చేశారు. అంతులేని అవినీతి, అక్ర‌మాల‌కు పాల్ప‌డి అడ్డంగా ఆధారాల‌తో దొరికి పోయిన గ‌జ దొంగ మాజీ సీఎం నారా చంద్రబాబు నాయుడు దీక్ష‌కు దిగ‌డం హాస్యాస్పదంగా ఉంద‌న్నారు.

Sajjala Ramakrishna Reddy Comments Viral

సోమ‌వారం తాడేప‌ల్లి గూడెంలో మీడియాతో మాట్లాడారు స‌జ్జ‌ల రామ‌కృష్ణా రెడ్డి(Sajjala Ramakrishna Reddy). దేశ స్వాతంత్రం కోసం శాంతి, అహింసా పద్ద‌తుల్లో పోరాటం చేసి కోట్లాది మందికి, ప్ర‌పంచానికి ఆద‌ర్శ ప్రాయంగా నిలిచిన మ‌హ‌నీయుడు గాంధీ జ‌యంతి రోజున దీక్ష చేయ‌డం ఎంత వ‌ర‌కు స‌బ‌బు అని ప్ర‌శ్నించారు.

ఆయ‌న‌కు మ‌ద్ద‌తుగా మోత మోగించ‌డం ఏమిటో వారికే తెలియాల‌న్నారు. ఇక వారాహి విజ‌య యాత్ర పేరుతో జ‌న‌సేన పార్టీ చీఫ్ ప‌వ‌న్ క‌ళ్యాణ్ మాట్లాడుతున్న మాట‌లు, చేస్తున్న చేష్టలు అత్యంత విడ్డూరంగా ఉన్నాయ‌ని పేర్కొన్నారు.

ముందు ఎదుటి వాళ్ల‌పై రాళ్లు వేసే కంటే నీ జీవితం ఏమిటో చూసు కోవాల‌ని స‌ల‌హా ఇచ్చారు. ప్ర‌జ‌లు దేనినైనా భ‌రిస్తారు కానీ త‌మ గురించి, త‌మ నాయ‌కుడి గురించి చెడుగా మాట్లాడితే చూస్తూ ఊరుకోర‌ని స్ప‌ష్టం చేశారు స‌జ్జ‌ల రామ‌కృష్ణా రెడ్డి.

దేశంలో ఎక్క‌డా లేని రీతిలో రాష్ట్రంలో సంక్షేమ ప‌థ‌కాలు అమ‌లు అవుతున్నాయ‌ని ఆ విష‌యం తెలుసు కోకుండా అన‌వ‌స‌ర ఆరోప‌ణ‌లు చేయ‌డం దారుణ‌మ‌న్నారు.

Also Read : Ambati Ram Babu : ప‌వ‌న్ నైజం అనైతికం – అంబ‌టి