Bandla Ganesh : రేవంత్ రెడ్డి సీఎం కావ‌డం ఖాయం

Bandla Ganesh  : హైద‌రాబాద్ – ప్ర‌ముఖ నిర్మాత‌, న‌టుడు, కాంగ్రెస్ పార్టీ సీనియ‌ర్ నాయ‌కుడు బండ్ల గ‌ణేష్(Bandla Ganesh) షాకింగ్ కామెంట్స్ చేశారు. ప్ర‌స్తుతం జ‌ర‌గ‌బోయే అసెంబ్లీ ఎన్నిక‌ల్లో కాంగ్రెస్ పార్టీ ప‌క్కాగా గెలుస్తుంద‌న్నారు. ఇక డైన‌మిక్ లీడ‌ర్ రేవంత్ రెడ్డి సీఎం కావ‌డం ప‌క్కా అని జోష్యం చెప్పారు. మంగ‌ళ‌వారం బండ్ల గణేష్ మీడియాతో మాట్లాడారు.

Bandla Ganesh Praises Revanth Reddy

ఉమ్మ‌డి న‌ల్ల‌గొండ‌, ఖ‌మ్మం జిల్లాల్లో బీఆర్ఎస్ పార్టీకి ఒక్క సీటు కూడా రాద‌ని సంచ‌ల‌న కామెంట్ చేశారు. ఆ రెండు జిల్లాల‌ను కాంగ్రెస్ పార్టీ పూర్తిగా కైవ‌సం చేసుకుంటుంద‌ని, ఇందులో ఎలాంటి అనుమానం అక్క‌ర్లేద‌న్నారు. ఇవాళ ప్ర‌జ‌లు మార్పు కోరుకుంటున్నార‌ని, ఆ మార్పు కాంగ్రెస్ పార్టీని సూచిస్తోంద‌ని పేర్కొన్నారు.

త‌న‌కు ఇష్ట‌మైన నాయ‌కుడు రేవంత్ రెడ్డి సీఎం రేసులో ఉన్నాడ‌ని అన్నారు. ఒక‌వేళ సీఎం ఆయ‌న గ‌నుక అయితే తాను అధికారంలోకి వ‌చ్చిన‌ట్లేనంటూ సీరియ‌స్ కామెంట్స్ చేశారు. ఇదిలా ఉండ‌గా కాంగ్రెస్ పార్టీలో సీఎం కుర్చీ కోసం కొట్లాట‌, మాట‌ల యుద్దం మొద‌లైంది. ఇంత‌కూ నువ్వా నేనా అన్న రీతిలో కొన‌సాగుతోంది విమ‌ర్శ‌ల ప‌ర్వం.

Also Read : TTD Chairman : కాంట్రాక్టు ఉద్యోగులు ప‌ర్మినెంట్