Telangana CS DGP : సీఎస్..డీజీపీ ఏర్పాట్లు ప‌రిశీల‌న
రేపే రేవంత్ రెడ్డి ప్ర‌మాణ స్వీకారం
Telangana CS DGP : హైద‌రాబాద్ – తెలంగాణ‌లో(Telangana) కొత్త‌గా కాంగ్రెస్ పార్టీ అధికారంలోకి వ‌చ్చింది. సీఎంగా రేవంత్ రెడ్డి ప్ర‌మాణ స్వీకారం జ‌ర‌గ‌నుంది. ఈ మేర‌కు పార్టీ కీల‌క నిర్ణ‌యం తీసుకుంది. ఇందులో భాగంగా డిసెంబ‌ర్ 7న గురువారం మ‌ధ్యాహ్నం 1.42 నిమిషాల‌కు ప్ర‌మాణ స్వీకారం చేసేందుకు శ్రీ‌కారం చుట్టారు.
Telangana CS DGP Meeting Place Verification
ఇందుకు సంబంధించి ఇప్ప‌టికే పార్టీ ప‌రంగా అన్ని పార్టీల‌కు, ముఖ్య నేత‌ల‌కు, మాజీ సీఎంలకు ఆహ్వానం ప‌లికారు. దీంతో ప్ర‌భుత్వ ప‌రంగా ప్ర‌మాణ స్వీకారోత్స‌వ కార్యక్రమానికి సంబంధించి ఏర్పాట్ల‌ను చేస్తున్నారు ప్ర‌భుత్వ ప్ర‌ధాన కార్య‌ద‌ర్శి శాంతి కుమారి, డీజీపీ గుప్తా .
న‌గ‌ర పోలీస్ క‌మిష‌న‌ర్ సీవీ ఆనంద్ తో పాటు పోలీస్ ఉన్న‌తాధికారులు ద‌గ్గ‌రుండి ప‌ర్య‌వేక్షిస్తున్నారు. ప్ర‌స్తుతం టీపీసీసీ చీఫ్ రేవంత్ రెడ్డి న్యూఢిల్లీలో ఉన్నారు. ప్ర‌స్తుతం కేబినెట్ పై చ‌ర్చిస్తున్నారు. ఎవ‌రిని తీసుకోవాల‌నే దానిపై హైక‌మాండ్ క‌స‌ర‌త్తు చేస్తోంది.
రేవంత్ రెడ్డితో సీఎంగా రాష్ట్ర గ‌వ‌ర్న‌ర్ త‌మిళి సై సౌంద‌ర రాజ‌న్ ప్ర‌మాణ స్వీకారం చేయించ‌నున్నారు. ఈ కార్యక్రమానికి విశిష్ట అతిథులుగా ఏఐసీసీ చీఫ్ మ‌ల్లికార్జున్ ఖ‌ర్గే, మాజీ చీఫ్ లు సోనియా గాంధీ, రాహుల్ గాంధీ, ప్ర‌ధాన కార్య‌ద‌ర్శి ప్రియాంక గాంధీ , కేసీ వేణుగోపాల్ , సిద్ద‌రామ‌య్య, డీకే శివ‌కుమార్ రానున్నారు.
Also Read : Sridhar Babu : దుద్దిళ్ల కీల‌క కామెంట్స్