Kamareddy Mla : ఇచ్చిన మాట నిల‌బెట్టుకుంటా
వాచ్ డాగ్ లాగా ప‌ని చేస్తా
Kamareddy Mla : కామారెడ్డి – తాను ఇచ్చిన మాట నిల‌బెట్టుకుంటాన‌ని, ఇప్ప‌టికే కోట్లాది రూపాయ‌లు ఖ‌ర్చు చేశాన‌ని అన్నారు మాజీ సీఎం కేసీఆర్ ను, ప్ర‌స్తుత సీఎం రేవంత్ రెడ్డిని ఓడించిన భార‌తీయ జ‌న‌తా పార్టీ ఎమ్మెల్యే కాటేప‌ల్లి వెంక‌ట ర‌మ‌ణా రెడ్డి(K V Ramana Reddy). నూత‌నంగా ఎన్నికైన త‌ర్వాత ఇంకా ఎమ్మెల్యేగా ప్ర‌మాణ స్వీకారం చేయ‌లేదు. దీనికి కార‌ణం ప్రొటెం స్పీక‌ర్ గా ఎంఐఎంకు చెందిన అక్బ‌రుద్దీన్ ఓవైసీ నియ‌మించ‌డాన్ని తీవ్రంగా త‌ప్పు ప‌ట్టారు.
Kamareddy Mla Comment
త‌మ పార్టీ ప‌రంగా ఇచ్చిన మేనిఫెస్టోతో పాటు తాను స్వంతంగా ప్ర‌క‌టించిన మేనిఫెస్టోను ఈ 5 ఏళ్ల కాలంలో అమ‌లు చేసి తీరుతాన‌ని ప్ర‌క‌టించారు. తాను నిత్యం ప్ర‌జ‌ల మ‌ధ్య‌నే ఉంటాన‌ని, దీనిని ప్ర‌జ‌లు నిరూపించార‌ని, వారంద‌రికీ పేరు పేరునా ధ‌న్య‌వాదాలు తెలియ చేసుకుంటున్నానని అన్నారు.
మ‌ర్యాద పూర్వ‌కంగానే ఎస్పీని క‌ల‌వ‌డం జ‌రిగింద‌ని, అంత‌కు త‌ప్ప మ‌రోటి లేద‌న్నారు. త‌న నియోజ‌క‌వ‌ర్గానికి చెందిన ప్ర‌జ‌ల‌లో ఎవ‌రైనా స‌రే ఎప్పుడైనా త‌న వ‌ద్ద‌కు రావ‌చ్చ‌ని స్పష్టం చేశారు. స్థానికంగా ఉండ‌ని కేసీఆర్, రేవంత్ రెడ్డికి చుక్క‌లు చూపించార‌ని, దేశం యావ‌త్తు త‌న వైపు చూసేలా చేశార‌ని ఇంత‌క‌న్న త‌న‌కు ఆనందం ఏముంటుంద‌ని ప్ర‌శ్నించారు కాటేప‌ల్లి వెంక‌ట ర‌మ‌ణా రెడ్డి.
Also Read : Bhatti Vikramarka : సంప‌ద సృష్టిస్తాం పంపిణీ చేస్తాం