YS Sharmila Met CM Revanth: సీఎం రేవంత్ ను కలిసిన ఏపీపీసీసీ చీఫ్ షర్మిల !

YS Sharmila: ఏపీపీసీసీ చీఫ్ వైఎస్ షర్మిల… తెలంగాణా ముఖ్యమంత్రి రేవంత్ రెడ్డితో భేటీ అయ్యారు. ఏపీ కాంగ్రెస్ అధ్యక్షురాలిగా బాధ్యతలు స్వీకరించిన నాటి నుండి రాష్ట్ర వ్యాప్తంగా పర్యటన చేసిన షర్మిల… సోమవారం సాయంత్రానికి హైదరాబాద్ చేరుకుంది. హైదరాబాద్ చేరుకోగానే సీఎం రేవంత్ నివాసానికి వెళ్లి మర్యాద పూర్వకంగా కలిసారు. ఇదే విషయాన్ని ఆమె సోషల్ మీడియా ఫ్లాట్ ఫాం ‘ఎక్స్’ (ట్విటర్‌) వేదికగా వెల్లడించారు. రేవంత్ దంపతులకు పూలమొక్కను ఇస్తున్న ఫోటోను కూడా ఆమె ఎక్స్ లో పోస్ట్ చేసారు. ఈ భేటీలో సీఎం రేవంత్ రెడ్డితో… పలు రాజకీయ అంశాలపై చర్చించినట్లు ఆమె తెలిపారు. ప్రస్తుతం షర్మిల… సీఎం రేవంత్ ను మర్యాదపూర్వకంగా కలిసిన ఫోటో నెట్టింట వైరల్ గా మారుతోంది.

YS Sharmila Met CM Revanth Reddy Viral

ఏపీపీసీసీ చీఫ్ గా బాధ్యతలు స్వీకరించిన నాటి నుండి… తనదైన శైలిలో అధికార వైసీపీపై విమర్శలు గుప్పిస్తున్న షర్మిలను… వైసీపీ అనుబంధ సోషల్ మీడియాలతో పాటు అనుకూల మీడియా కూడా టార్గెట్ చేసింది. ఈ నేపథ్యంలోనే షర్మిల(YS Sharmila) రాజకీయ విషయాలతో పాటు వ్యక్తిగత విషయాలపైన కూడా సోషల్ మీడియా వేదికగా విమర్శలు, దుష్ప్రాచాలు చేస్తున్నారు. అయితే వాటన్నంటినీ షర్మిల తిప్పుకొడుతూ… తనదైన శైలిలో ప్రభుత్వంపై విరుచుకుపడుతుంది. ఈ నేపథ్యంలో ఆమె… తెలంగాణా సీఎం రేవంత్ ను కలవడంతో… వైసీసీ సోషల్ మీడియా గతంలో… ఆమె రేవంత్ పై చేసిన వ్యాఖ్యల వీడియోలను సోషల్ మీడియాలో వైరల్ చేస్తున్నారు. దీనితో షర్మిల మరోసారి వైసీపీ సోషల్ మీడియాకు టార్గెట్ గా మారింది.

Also Read : Hemant Soren Case : జార్ఖండ్ మాజీ సీఎం రిమాండ్ మరో మూడు రోజులు పొడిగించిన కోర్టు