గ్రీస్ లో ఘ‌నంగా అనిరుధ్ కావ్య మార‌న్ పెళ్లి
త‌రలి వచ్చిన సినీ, రాజ‌కీయ, వ్యాపార ప్ర‌ముఖులు
గ్రీస్ : ప్ర‌ముఖ సంగీత దర్శకుడు, స‌న్ రైజ‌ర్స్ సీఈఓ కావ్య మార‌న్ గ్రీస్ వేదిక‌గా ఒక్క‌ట‌య్యారు. సినీ, రాజ‌కీయ, క్రీడా, వ్యాపార, వాణిజ్య రంగాల‌కు చెందిన ప్ర‌ముఖులు హాజ‌ర‌య్యారు. చెన్నైలో గ్రాండ్ గా రిసెప్ష‌న్ జ‌ర‌గ‌నుంది. ఇక సంగీత దర్శకుడు అనిరుధ్ రవిచందర్ దక్షిణ భారత చలనచిత్ర పరిశ్రమలో అత్యంత ప్రజాదరణ పొందిన సంగీత దర్శకులలో ఒకరు. ఆయన స్వరపరిచిన పాటలు, నేపథ్య సంగీతం (బ్యాక్‌గ్రౌండ్ స్కోర్) సినీ ప్రియులకు ఎంతో ఇష్టం. ఈ స‌మ‌యంలో తన వ్యక్తిగత జీవితానికి సంబంధించిన ఒక ఆసక్తికరమైన విషయం అందరి దృష్టిని ఆకర్షించింది. అనిరుధ్ జీవితంలో ఒక ప్రేమకథ కేవలం మూడు గంటలు మాత్రమే కొనసాగింది. పాఠశాల రోజుల్లోనే అనిరుధ్ తన మొదటి ప్రేమలో విఫలమయ్యారు. ఆయన తన ప్రేమను వ్యక్తపరిచిన కొద్ది గంటలకే ఆ బంధం ముగిసి పోయింది.
నేడు అనిరుధ్ రవిచందర్‌కు లక్షలాది మంది మహిళా అభిమానులు ఉండవచ్చు, కానీ ఆయన మొదటి ప్రేమకథ మాత్రం సుఖాంతం కాలేదు. పాఠశాల రోజుల్లో ఆయన ఒక అమ్మాయిని ఇష్టపడ్డారు. ఎంతో ధైర్యం చేసి తన ప్రేమను ఆమెకు తెలియజేశారు. అయితే, ఆ సంతోషం ఎక్కువ కాలం నిలవలేదు. గతంలో ఒక సందర్భంలో అనిరుధ్ స్వయంగా పంచుకున్న వివరాల ప్రకారం, తన ప్రేమను వ్యక్తపరిచిన మూడు గంటలకే ఆ బంధం ముగిసిపోయింది. ఈ కథ వినడానికి విచిత్రంగా అనిపించినప్పటికీ ఇప్పుడు ఆయన అభిమానుల మధ్య ఇది
సంగీతంతో పాటు, చిన్నతనంలో అనిరుధ్ చదువులో కూడా చాలా ప్రతిభావంతుడిగా ఉండేవారు. ముఖ్యంగా గణితంలో ఆయనకు మంచి పట్టు ఉండేది. ఆయన తండ్రి రవి రాఘవేంద్ర, అనిరుధ్‌లోని విద్యా సామర్థ్యాలను చూసి, తన కుమారుడు ఇండియన్ ఇన్‌స్టిట్యూట్ ఆఫ్ టెక్నాలజీ లో చదువుతాడని నమ్మేవారు. లయోలా కళాశాలలో బీకామ్ పూర్తి చేసిన తర్వాత, ఆయనను ఉన్నత చదువుల కోసం సింగపూర్‌కు పంపాలని కుటుంబ సభ్యులు భావించారు. కానీ, అనిరుధ్ కలలు వేరుగా ఉన్నాయి.సంగీతంపై ఉన్న ఆసక్తి ఆయన కెరీర్ ప్రణాళికలనే మార్చేసింది. నటుడు ధనుష్ అనిరుధ్‌లోని సంగీత ప్రతిభను గుర్తించి, ఆయన ఒక విజయవంతమైన సంగీత దర్శకుడిగా ఎదగగలడని నమ్మారు. ధనుష్ అనిరుధ్ తల్లిదండ్రులతో మాట్లాడి, అతడిని ఉన్నత చదువుల కోసం విదేశాలకు పంపే బదులు, అతని సంగీత ప్రయాణానికి మద్దతు ఇవ్వమని వారిని ప్రోత్సహించినట్లు సమాచారం. తమిళ చిత్ర పరిశ్రమలో పనిచేసే అవకాశం ధనుష్ కల్పించడంతో అనిరుధ్ కెరీర్‌లో కీలక మలుపు చోటుచేసుకుంది. ఐశ్వర్య రజనీకాంత్ దర్శకత్వంలో 2012లో వచ్చిన ‘3’ చిత్రంతో అతను సంగీత దర్శకుడిగా పరిచయమయ్యాడు.
ఈ చిత్రంలో ధనుష్, శృతి హాసన్ ప్రధాన పాత్రల్లో నటించారు. ఇందులోని ‘వై దిస్ కొలవెరి డిస పాట అద్భుత విజయాన్ని సాధించడమే కాకుండా, అనిరుధ్‌కు దేశవ్యాప్త గుర్తింపును తెచ్చిపెట్టింది. అప్పటి నుండి, అనిరుధ్ భారతీయ చలనచిత్ర రంగంలో అత్యంత డిమాండ్ ఉన్న సంగీత దర్శకులలో ఒకరిగా ఎదిగారు. ఆయన తమిళ, తెలుగు , హిందీ చిత్రాలకు ఎన్నో ప్రజాదరణ పొందిన ఆల్బమ్‌లను, నేపథ్య సంగీతాన్ని (బ్యాక్‌గ్రౌండ్ స్కోర్) అందించారు. ఉన్నత చదువులు చదవాలని కుటుంబ సభ్యులు ఆశించిన విద్యార్థి దశ నుండి, అగ్రశ్రేణి సంగీత దర్శకుడిగా ఎదిగే వరకు అనిరుధ్ ప్రయాణం ఎంతో అద్భుతమైనది. ఆయన వృత్తిపరమైన విజయాలు కొనసాగుతుండగానే,ఇప్పుడు ఆయన పాఠశాల రోజుల్లోని ప్రేమాయణం, వ్యక్తిగత జీవితానికి సంబంధించిన కథనాలు ఈ సంగీత సంచలనంపై మరింత ఆసక్తిని కలిగిస్తున్నాయి.
