RRR Movie : ఆర్ఆర్ఆర్ మూవీకి హాలీవుడ్ నిర్మాత ఫిదా

RRR Movie : దిగ్గ‌జ ద‌ర్శ‌కుడు ఎస్.ఎస్. రాజ‌మౌళి తీసిన ఆర్ఆర్ఆర్ మూమీ కోట్ల‌ను కొల్ల‌గొడుతోంది. ప్ర‌పంచ వ్యాప్తంగా జ‌నాద‌ర‌ణ పొందుతోంది. ఈ చిత్రం విమ‌ర్శ‌కుల‌ను, ప్రేక్ష‌కుల‌ను ఆశ్చ‌ర్య ప‌రుస్తోంది. అమెరిక‌న్ చిత్రాల‌తో ఈ మూవీ కూడా పోటీ ప‌డ‌డం ఖాయం.

గ‌త నెల మార్చి 25న ప్ర‌పంచ వ్యాప్తంగా ఆర్ఆర్ఆర్ మూవీ(RRR Movie) విడుద‌లైంది. ఇందులో జూనియ‌ర్ ఎన్టీఆర్, రామ్ చ‌ర‌ణ్‌, ఆలియా భ‌ట్, అజ‌య్ దేవ‌గ‌న్ న‌టించారు. విడుద‌లైన మొద‌టి రోజే రూ. 250 కోట్లు కొల్ల‌గొట్టింది.

ఇది భార‌తీయ సినిమా చ‌రిత్ర‌లో ఓ రికార్డ్ గా మారింది. తాజాగా రూ. 700 కోట్లకు పైగా వ‌సూలు చేసింది ఇవాల్టితో. ప్ర‌పంచ వ్యాప్తంగా బాక్సాఫీస్ రికార్డుల‌ను బ‌ద్ద‌లు కొడుతోంది.

దేశ వ్యాప్తంగా విమ‌ర్శ‌కుల నుంచి కూడా ఈ చిత్రానికి సానుకూల మ‌ద్ద‌తు వ‌చ్చింది.అత్యంత విజ‌య‌వంత‌మైన భార‌తీయ చిత్రంగా పేరొందింది ఆర్ఆర్ఆర్.

ఇదిలా ఉండ‌గా చాలా మంది అంత‌ర్జాతీయ చిత్ర నిర్మాత‌లు, విమ‌ర్శ‌కులు , ప్రేక్ష‌కులు ఈ చిత్రాన్ని చూసిన త‌ర్వాత సోష‌ల్ మీడియాలో త‌మ ఆనందాన్ని, అభిప్రాయాల‌ను పంచుకుంటున్నారు.

సినిమా స్థాయిని చూసి విదేశీయులు సైతం ఫిదా అయ్యారు. లాస్ ఏంజిల్స్ లో ఉన్న ప్ర‌ముఖ ర‌చ‌యిత‌, నిర్మాత జోర్డాన్ క్రుచియోలా ఆర్ఆర్ఆర్ (RRR Movie)పై ప్ర‌శంస‌ల వ‌ర్షం కురిపించారు. రైజ్ రోర్ రివోల్ట్ చూడండి..పున‌ర్జ‌న్మ పొందండి అని పేర్కొన్నారు.

ఇదిలా ఉండ‌గా ఆర్ఆర్ఆర్ విజ‌యం త‌ర్వాత బాలీవుడ్ వివాదాస్ప‌ద న‌టి కంగ‌నా రనౌత్ కీల‌క కామెంట్స్ చేశారు. భార‌త దేశంలో గ‌ర్వించ ద‌గిన ద‌ర్శ‌కుడు జ‌క్క‌న్న అంటూ పేర్కొన్నారు.

Also Read : ఆస్కార్ అకాడమీ’కి విల్ స్మిత్ రాజీనామా