Sarkaru Vaari Paata : క‌లెక్ష‌న్ల వేట‌లో స‌ర్కారు వారి పాట

Sarkaru Vaari Paata : ప‌రుశురామ్ ద‌ర్శ‌క‌త్వంలో ప్రిన్స్ మ‌హేష్ బాబు, కీర్తి సురేష్ జంట‌గా న‌టించిన స‌ర్కార్ వారి పాట(Sarkaru Vaari Paata) ఈనెల 12న విడుద‌లై పాజిటివ్ టాక్ తెచ్చుకుంది.

ప్ర‌పంచ వ్యాప్తంగా విడుద‌లైన ఈ మూవీ(Sarkaru Vaari Paata) క‌లెక్ష‌న్లు కొల్ల గొడుతోంది. టాలీవుడ్ కు సంబంధించి పుష్ప‌, రాధే శ్యామ్ ,ఆర్ఆర్ఆర్, ఆచార్య‌, స‌ర్కార్ వారి పాట విడుద‌ల‌య్యాయి.

చిరంజీవి, రామ్ చ‌ర‌ణ్ క‌లిసి న‌టించిన ఆచార్య బాక్సాఫీసు వ‌ద్ద బొక్క బోర్లా ప‌డింది. ఇక ప్ర‌భాస్ న‌టించిన రాధే శ్యామ్ సైతం తీవ్ర నిరాశ‌కు గురి చేసింది.

ఒక్క ఆర్ఆర్ఆర్ మాత్రం దుమ్ము రేపింది. అంత‌కు ముందు బ‌న్నీ పుష్ప సునామీ సృష్టించింది. బ‌న్నీ కెరీర్ లో ది బెస్ట్ మూవీగా పుష్ప నిలిచింది. ఇక మ‌హేష్ బాబు మేన‌రిజం, డైలాగ్ డెలివ‌రీ, పాట‌ల‌కు చేసిన డ్యాన్సులు అదుర్స్ అనిపించేలా ఉన్నాయి.

సంగీత ద‌ర్శ‌కుడు ఎస్ఎస్ థ‌మ‌న్ అందించిన మ్యూజిక్ మ్యాజిక చేసింది. ఇక క‌లెక్ష‌న్ల ప‌రంగా చూస్తే తొలి రోజు తెలుగు రాష్ట్రాల‌లో రూ. 36.36 కోట్లు కొల్ల‌గొట్టింది.

రెండో రోజూ కూడా ఇదే జోరు క‌న‌బ‌ర్చింది. ఇక స‌ర్కారు వారి పాట రెండు రోజులు క‌లిపితే క‌లెక్ష‌న్లు రూ. 48.27 కోట్లు కొల్ల‌గొట్టింది. నైజాం లో రూ. 17.44 కోట్లు , సీడెడ్ లో రూ. 61.5 కోట్లు, ఈస్ట్ లో రూ. 4.33 కోట్లు, వెస్ట్ రూ. 3.19 కోట్లు, ఉత్త‌రాంధ్ర‌లో రూ. 5.38 కోట్లు, గుంటూరులో రూ. 6.34 కోట్లు వ‌సూల‌య్యాయి.

ఇక కృష్ణాలో రూ. 3.47 కోట్లు, నెల్లూరులో రూ. 1.97 కోట్లు వ‌సూల‌య్యాయి. ద‌గ్గ‌ర ద‌గ్గ‌ర‌గా రూ. 50 కోట్లు వ‌సూలు చేయ‌డం విశేషం.

Also Read : విజయ్ తో న‌టించ‌నున్న బుట్ట‌బొమ్మ‌