Mahesh Babu : ఫ్యాన్స్ కు..టీంకు థ్యాంక్స్ – ప్రిన్స్

Mahesh Babu : ప‌రుశురామ్ ద‌ర్శ‌క‌త్వంలో ప్రిన్స్ మ‌హేష్ బాబు, ల‌వ్లీ బ్యూటీ కీర్తి సురేష్ జంట‌గా న‌టించిన స‌ర్కారు వారి పాట ఈనెల 12న విడుద‌లై పాజిటివ్ టాక్ తెచ్చుకుంది. బాబు సినీ కెరీర్ లో బిగ్గెస్ట్ హిట్ గా నిల‌వ‌బోతోంది.

ఇప్ప‌టికే రికార్డుల మోత మోగిస్తోంది. విడుద‌లైన అన్ని చోట్లా భారీ క‌లెక్ష‌న్లు కొల్ల‌గొడుతోంది. విచిత్రం ఏమిటంటే సీఎం జ‌గ‌న్ ను క‌లిసిన హీరోలు ప్ర‌భాస్ న‌టించిన రాధే శ్యామ్ , చిరంజీవి న‌టించిన ఆచార్య సరిగా ఆడ‌లేదు.

దీంతో మ‌హేష్ బాబు న‌టించిన ఈ మూవీ కూడా ఫెయిల్ అవుతుంద‌ని ప్ర‌చారం జ‌రిగింది. దీనిని పటాపంచ‌లు చేస్తూ క‌లెక్ష‌న్ల ప‌రంగా సునామీ సృష్టిస్తోంది. విడుద‌లైన రోజు నుంచే మంచి టాక్ తో దూసుకెళుతోంది.

ఇప్ప‌టి వ‌ర‌కు కేవ‌లం 5 రోజుల్లోనే వ‌ర‌ల్డ్ వైడ్ గా రూ. 160. 2 కోట్ల గ్రాస్ , రూ. 100.44 కోట్ల షేర్ ను సాధించి చ‌రిత్ర సృష్టించింది. త‌క్కువ రోజుల్లో రూ. 100 కోట్లు షేర్ సాధించిన తొలి ప్రాంతీయ చిత్రంగా రికార్డు బ్రేక్ చేసింది.

ఘ‌న విజ‌యాన్ని అందించిన అభిమానుల‌కు, ఇంత మంచి చిత్రాన్ని అద్భుతంగా తెర‌కెక్కించేందుకు తెర వెనుక ఉండి శ్ర‌మించిన చిత్ర బృందానికి ప్ర‌త్యేకంగా కృత‌జ్ఞ‌తలు తెలిపారు టాలీవుడ్ ప్రిన్స్ మ‌హేష్ బాబు(Mahesh Babu).

డైరెక్ట‌ర్ ను ప్ర‌త్యేకంగా అభినందించారు. మీ అంద‌రి ప్రేమాభిమానాలు సినిమాకు ఓ రేంజ్ లో క‌లెక్ష‌న్లు వ‌చ్చేలా చేశాయి. మీ అంద‌రికీ హృద‌య పూర్వ‌క‌మైన ధ‌న్య‌వాదాలంటూ ట్వీట్ చేశారు.

ప్ర‌స్తుతం మ‌హేష్ బాబు చేసిన ట్వీట్ హ‌ల్ చ‌ల్ అవుతోంది.

Also Read : క‌లెక్ష‌న్ల వేట‌లో స‌ర్కారు వారి పాట