IND vs ENG 5th Test : ఆట ప్రారంభం బుమ్రా భావోద్వేగం

IND vs ENG 5th Test : ఇంగ్లండ్ లోని బ‌ర్మింగ్ హోమ్ వేదిక‌గా భార‌త్ , ఇంగ్లండ్ జ‌ట్ల మ‌ధ్య రీ షెడ్యూల్ ఐదో టెస్టు(IND vs ENG 5th Test) మ్యాచ్ ప్రారంభ‌మైంది. ఈ సంద‌ర్భంగా స్టార్ పేస‌ర్ జ‌స్ ప్రీత్ బుమ్రా భావోద్వేగానికి లోన‌య్యాడు.

సుదీర్ఘ కాలం త‌ర్వాత ఓ బౌల‌ర్ కు భార‌త జ‌ట్టుకు నాయ‌క‌త్వం వ‌హించే చాన్స్ ద‌క్కింది. టాస్ గెలిచిన ఇంగ్లండ్ కెప్టెన్ బౌలింగ్ ఎంచుకున్నాడు. భార‌త్ కు బ్యాటింగ్ చాన్స్ ఇచ్చాడు.

ప్ర‌స్తుతం భార‌త జ‌ట్టు క‌డ‌ప‌టి వార్త‌లు అందేస‌రికి 15 ఓవ‌ర్ల‌లో ఒక వికెట్ కోల్పోయి 41 ప‌రుగులు చేసింది. ప్ర‌స్తుతం హ‌నుమ విహారి, ఛ‌తేశ్వ‌ర్ పుజారా మైదానంలో ఉన్నారు.

ఆట ప్రారంభం కాగానే ఇంగ్లండ్ బౌల‌ర్ ఆండ‌ర్స‌న్ బౌలింగ్ లో క్రాలేకు క్యాచ్ ఇచ్చి ఇండియ‌న్ ఓపెన‌ర్ శుభ్ మ‌న్ గిల్ పెవిలియ‌న్ చేరాడు. అత‌డి స్థానంలో వ‌చ్చిన విహారి ఆచి తూచి ఆడుతున్నాడు.

మ‌రో వికెట్ కోల్పోకుండా జాగ్ర‌త్త ప‌డుతున్నారు. ఇదిలా ఉండ‌గా ఇప్ప‌టికే స్వ‌దేశంలో జ‌రిగిన టెస్టు సీరీస్ లో న్యూజిలాండ్ ను ఓడించి ఇంగ్లాండ్ జోరు మీదుంది.

ఇదిలా ఉండ‌గా భార‌త జ‌ట్టుకు సంబంధించి రెగ్యుల‌ర్ ఆట‌గాళ్లు రోహిత్ శ‌ర్మ‌, కేఎల్ రాహుల్ దూరంగా ఉన్నారు. ఒక‌రు క‌రోనా బారిన ప‌డితే మ‌రొక‌రు గాయం వ‌ల్ల ఆడ‌డం లేదు.

జ‌ట్ల ప‌రంగా చూస్తే ఇంగ్లండ్ కు బెన్ స్టోక్స్ కెప్టెన్ కాగా అలెక్స్ లీస్ , క్రాలే, పోప్ , జో రూట్ , జానీ బెయిర్ స్టో, సామ్ బిల్లింగ్స్ , మాథ్యూ పాట్స్ , బ్రాడ్ , లీచ్ , అండ‌ర్స‌న్ ఉన్నారు.

ఇక భార‌త జ‌ట్టు చూస్తే బుమ్రా కెప్టెన్. గిల్, పుజారా, విహారి, కోహ్లి, అయ్య‌ర్ , పంత్ , జ‌డేజా, ఠాకూర్ , ష‌మీ,సిరాజ్ ఉన్నారు.

Also Read : శాంస‌న్ రాణించినా ఒక్క మ్యాచేనా